ഇങ്ങനെ ഒരു രംഗം പഴയ കാല ബാല്യത്തിന്റെ മറക്കാത്ത അടരുകളില് ഇപ്പോഴും
നിറം മങ്ങാതെ കിടപ്പുണ്ടാവും . റിസല്ട്ട് അറിയുന്നതിന്റെ തലേന്ന് എത്ര കണ്ണടച്ച് കിടന്നാലും ഉറക്കം വരില്ല . ഹെഡ് മാഷ് നോട്ടീസ് ബോര്ഡില് കൊണ്ട് വന്നു പതിക്കുന്ന ആ ലിസ്റ്റില് ജയിച്ചവരുടെ കൂട്ടത്തില് എന്റെ പേരുണ്ടാവണേ എന്നാവും നേരം വെളുക്കുവോളം ഉള്ള പ്രാര്ത്ഥന .
പത്തു മണിക്കേ ഓഫീസ് തുറക്കൂ . എന്നാലും എട്ടു മണിക്ക് തന്നെ സ്കൂളില് എത്തും . അകത്തു ഹൃദയം പട പടാ മിടിക്കുന്നുണ്ടാവും . വായിലെ വെള്ളം വറ്റും . കിണറ്റിന് കരയിലേക്ക് ചെന്ന് ഒരു തൊട്ടി വെള്ളം മുക്കും . കുടുകുടെ കുടിക്കും . ഇടയ്ക്കിടെ മൂത്ര ശങ്ക തോന്നും .
ഒടുവില് ഹെഡ് മാഷ് വരുന്നത് കാണുന്നതോടെ ചങ്കിടിപ്പ് കൂടും .
നോട്ടീസ് ബോര്ഡി ന്റെ ചുറ്റും തിക്കി തിര ക്കി നില്ക്കും .
എല്ലാവരും കണ്ണടച്ച് പ്രാര്ഥി ക്കുന്നുണ്ടാവും .
ക്ഷമയുടെ അവസാനം നോട്ടീസ് ബോര്ഡില് ലിസ്റ്റ് ഒട്ടിക്കുന്നതോടെ കണ്ണുകള് അതിവേഗം പരതും .
വിജയിച്ചവരുടെ കൂടെ പേരെങ്ങാനും കണ്ടാല് പിന്നെ ഒരു തുള്ളിച്ചാട്ടമാണ് . മറക്കാനാവുമോ ആ നിമിഷം . ആ രംഗം ?
ജീവിതം മുഴുവനും ജയവും പരാജയവും കൂടി കലര്ന്നതാണ് എന്നൊക്കെ തിരിച്ചറിയും മുമ്പേ നാമൊക്കെ ആദ്യം നേരിട്ട 'റിസള്ട്ട് '
ക്ലാസ് കയറ്റം കിട്ടാനുള്ളതു തന്നെയാവണം
പിന്നെ എന്തെല്ലാം റിസള്ട്ട്കളാണ് ജീവിതത്തില് കടന്നു വന്നത്
ഏതു റിസള്ട്ടും ആകാംക്ഷയുടെ കൊടുമുടിയിലേക്ക് ഉയര് ത്തി
ഒന്നുകില് ആശ്വാസത്തിന്റെ തീരത്തേക്ക് ഒരു ഏറ്
അല്ലെങ്കിലോ നിരാശയുടെ കൊക്കയിലേക്ക് !!!
ആറ്റു നോറ്റു ഒരു കുഞ്ഞിക്കാലു കാണാന് ചികിത്സയും നേര്ച്ചയും പ്രാര്ത്ഥനയുമായി കാത്തിരുന്ന ഒരു പെണ്ണിന് ഒടുവില് ഭാഗ്യം കടാക്ഷിച്ചോ എന്നറിയാന് മൂത്രം പരിശോധിക്കാന് കൊടുത്ത് കാത്തിരിക്കുന്ന ആ നിമിഷങ്ങള് ഒന്ന് ഓര്ത്തു നോക്കൂ
വലിയ എന്തോ രോഗ ലക്ഷണം കണ്ട ഡോക്ടര് വിദഗ്ധ പരിശോധനക്ക് പറഞ്ഞു രക്തം കൊടുത്ത് റിസല്ട്ടിനു കാത്തിരിക്കുന്ന ആ രംഗം ഒന്ന് ചിന്തിച്ചു നോക്കൂ .
ആദ്യത്തെ പെണ്ണിന് പോസിറ്റീവ് ആണെന്ന് അറിയുമ്പോഴുള്ള സന്തോഷവും രണ്ടാമത്തെ രോഗിക്ക് നെഗറ്റീവ് ആണ് എന്നറിയുമ്പോഴുള്ള ആശ്വാസവും ഒന്ന് സങ്കല്പിച്ചു നോക്കൂ
ഓരോ 'റിസള് ട്ടും 'പറഞ്ഞറി യിക്കാനാവാത്ത ആകാംക്ഷയാകുന്നു .
നമ്മുടെ ഈ ജീവിതം ഒരു പരീക്ഷയും !!
ചിലര് ജയിക്കുന്നു . ചിലര് തോല്ക്കുന്നു .
എന്നാലും ജയത്തിന്റെ മധുരവും തോല്വിയുടെ കയ്പ്പും
അറിയാത്ത ആരുമുണ്ടാവില്ല
സുഖവും ദു:ഖവും
ക്ഷാമവും ക്ഷേമവും
കയറ്റവും ഇറക്കവും
രോഗവും ആരോഗ്യവും
ദാരിദ്ര്യവും ഐശ്വര്യവും
ഇരുട്ടും വെളിച്ചവും
എല്ലാം ചേര് ന്നതാണ് ഈ ജീവിതം
പക്ഷേ ചില പരീക്ഷകളൊക്കെ എഴുതിയും പരീക്ഷണങ്ങളെ നേരിട്ടും നമുക്ക് ജയിക്കാനാവും
എന്നാല് അവിചാരിതമായി വരുന്നവയ്ക്ക് മുമ്പില് നാം വല്ലാതെ പതറിപ്പോവും .
തളര്ന്നു പോകും .
ജിവിതം ഇങ്ങനെ യൊ ക്കെയാണ് എന്ന് ആശ്വസിക്കുകയേ നിസ്സഹായനായ മനുഷ്യന് ചില നേരങ്ങളില് സാധിക്കൂ . മറ്റു പലപ്പോഴും നമ്മുടെ മനസ്സില് കുടിയേറുന്ന അഹങ്കാരത്തിന്റെ
പര്വതങ്ങള് ഒരു നിമിഷം കൊണ്ട് തകര് ന്നു തരിപ്പണ മാവുന്നത് ഇത്തരം ഘട്ടങ്ങളിലാണ് !!!.
തോല്ക്കാന് കഴിയാത്തവരാരു മില്ല
ജയിക്കാന് കഴിയുന്നവരെറെയില്ല
തോല്ക്കാനായ് ജനിച്ചവരാരുമില്ല
ജയിക്കാനായ് ജനിച്ചവരേറെയില്ല
OO
0 comments:
ഒരു അഭിപ്രായം പോസ്റ്റ് ചെയ്യൂ