അമ്മ ഒരു ആകാശമാണ്
നിലാവ് പൊഴിക്കുന്ന
അതിരുകളില്ലാത്ത
പുഞ്ചിരി കൊണ്ട്
പതിനാലാം രാവു തീര്‍ക്കുന്ന
അറ്റമില്ലാത്ത
വിശാലത
ക്ഷമ കൊണ്ട് ഭൂമിയും
ആര്‍ദ്രത കൊണ്ട് പുഴയും
സഹനം കൊണ്ട് കടലും
കരു ത്ത് കൊണ്ട് മലയും
ഭംഗി കൊണ്ട് പൂവും
തണല് കൊണ്ട് മരവും
കര്‍മ്മം കൊണ്ട് കനികളും
ആണമ്മ !!
മനവും
തനുവും
കുളിര്‍ക്കുന്ന തെന്നലും
ഐശ്വര്യത്തിന്റെ
തോരാ മഴയുമാകുന്നു
അമ്മയിലില്ലാത്ത
ഒന്നും പ്രകൃതിയിലില്ല
അമ്മയിലുള്ള പലതും
പ്രകൃതിയിലില്ല
ഒരു തുള്ളി വാത്സല്യമിറ്റിക്കാന്‍
വേവുന്ന മനസ്സിലൊരു കുമ്പിള്‍
സാന്ത്വന ജലമണികള്‍ വീഴ്ത്തി
വേവണക്കുവാന്‍
ഒരു അമ്മച്ചിരി കൊണ്ട്
ഈ ജന്മം
സഫലമാക്കാന്‍
ആവുമോ പ്രകൃതീ നിനക്ക് ?
നെഞ്ചോട്‌ ചേര്‍ ത്തു
കൊക്കില്‍ ജീവനുള്ള കാലത്തോളം
സൂക്ഷിക്കാനാവുന്ന
ഒരുമ്മ തരാനാവുമോ
ഈ പ്രപഞ്ചത്തിന് ?
OO
പോസ്റ്റുകള്
0 comments:
ഒരു അഭിപ്രായം പോസ്റ്റ് ചെയ്യൂ