നജീബിന്റെ കഫീല് ഒരു ദിവസം അവനോടു ചോദിച്ചു :
'അനഇസ്മ കതീര് ലുഗ . കുല്ലുന് ബസീത്വ് . ലാകിന് ലുഗ ഹഖകും മര്റ തകീല് .. ലേഷ് ?
(ഒരു പാട് ഭാഷകള് ഞാന് കേട്ടിട്ടുണ്ട് . എല്ലാം ലളിതമാണ് . പക്ഷെ നിങ്ങളുടെ ഭാഷ ഭയങ്കര കട്ടിയാണ് .
അതെന്താ അങ്ങനെ ? )
അതിനു മറുപടിയായി നജീബ് അവനു അറിയുന്ന അറബിയില് പറഞ്ഞു .
അതോ , അതിനു ഒരു കാരണം ഉണ്ട് .
ദൈവം എല്ലാ ഭാഷകളും തയ്യാറാക്കി എല്ലാ രാജ്യക്കാരെയും വിളിച്ചു ഇങ്ങനെ വിളംബരം ചെയ്തു .
'ഓരോ രാജ്യക്കാരും വന്നു അവരവര്ക്ക് പറ്റിയ ഭാഷ തെരഞ്ഞെടുത്തോളൂ ...''
അത് കേട്ട പാടെ എല്ലാവരും ഓടിച്ചെന്നു .
പറ്റിയത് സെലക്റ്റ് ചെയ്തു കൊണ്ട് പോയി .
കേരളക്കാരന് അന്നേരം ഉറങ്ങുകയായിരുന്നു .
ഒടുവില് ഓടിക്കിതച്ചു ചെന്നപ്പോഴേക്കും എല്ലാ ഭാഷയും ഓരോരോത്തരും എടുത്തു കൊണ്ട് പോയിരുന്നു . എല്ലാവരുടെയും 'തെരവ്' ഒരു ഭാഷ അവിടെ കിടക്കുന്നുണ്ട് .
വൈകിച്ചെന്ന കേരളക്കാരനോട് ദൈവം ചോദിച്ചു ;
എവിടെ ആയിരുന്നു ?
ക്ഷമിക്കണം . ഒന്ന് ഉറങ്ങിപ്പോയി .
ഏതായാലും കിട്ടിയതും കൊണ്ട് പൊയ്ക്കോ !!
ഏതു നേരവും ഉറക്കം തന്നെയാണല്ലോ പരിപാടി :)
എല്ലാവരുടെയും തെരവ് ആയതു കൊണ്ടാ ഞങ്ങളുടെ ഭാഷ ഇത്ര കടുകട്ടി . ഇപ്പോള് മനസ്സിലായില്ലേ ?
പിന്നെ ഞങ്ങള് നന്നായി പല്ല് തേക്കും . നാവു വടിക്കും . അത് കൊണ്ട് ഏതു കട്ടി ഭാഷയും ഞങ്ങളുടെ നാക്കിന് ഹലാവ പോലെയാണ് .അന്ന് വൈകി ചെന്നത് കൊണ്ട് ഞങ്ങള്ക്ക് വേറെ ഒരു ഗുണം കിട്ടി . നജീബ് വിശദീകരിച്ചു .
നിങ്ങള്ക്കൊന്നും കിട്ടാത്ത 'ഒന്ന്' ഞങ്ങള്ക്ക് കിട്ടിയിട്ടുണ്ട് .
നിങ്ങള്ക്കൊക്കെ കിട്ടിയതിന്റെ ഡബിള് !!!
അത് കേട്ടു അദ്ഭുതത്തോടെ അറബി ചോദിച്ചു :
ഇഷ്ഫി യാ നജീബ് ? (അതെന്താ ? )
അതോ ? നിങ്ങള്ക്കൊക്കെ ഇരുപത്തഞ്ചോ ഇരുപത്താറോ അക്ഷരം അല്ലെ കിട്ടിയത് ?
ഞങ്ങക്ക് എത്രയാ കിട്ട്യേത് ന്നറിയോ ?
നിങ്ങളെ ഏകദേശം ഇരട്ടി .
തലാത ഖംസീന് .
അമ്പത്തി മൂന്ന് !!!
0 comments:
ഒരു അഭിപ്രായം പോസ്റ്റ് ചെയ്യൂ