ഓഫീസിലേക്ക് ഇറങ്ങുമ്പോള്‍ താഴേക്ക്‌ ഇറങ്ങിപ്പോകുന്ന ചവിട്ടു പടിയുടെ ഒരരികിലിരുന്നു ഒരു പാവം പ്രവാസി നാട്ടിലേക്ക് ഫോണ്‍ ചെയ്യുകയാണ് .
സ്പീക്കറിലിട്ടാണ് സംസാരം .
മറു തലക്കല്‍ നിന്ന് ഒരു ആണ്‍കുട്ടിയുടെയും പെണ്‍കുട്ടിയുടെയും
ശബ്ദമാണ് കേ ള്‍ക്കു ന്നത് . അത്രയൊന്നും പ്രായം ആയിട്ടില്ല കുട്ടികളുടെ ശബ്ദം കേട്ടാല്‍ .
''പിന്നേയ്.. ടിന്റൂ . അനക്ക് ഗ്യാലക്സി മുട്ടായീം ഇത്താക്ക് മില്‍ക്കി ബാറും കൊടുത്തയച്ചു ക്കുണൂ ട്ടോ . കാക്കു അബടെ കുടീ കൊടുന്നു തരും ..''
അപ്പോള്‍ ആ പറഞ്ഞതൊന്നും മെയ്ന്റ് ചെയ്യാതെ കുട്ടി ചോദിക്കുന്നു : ''പ്പാ ടാബ് കൊടുത്തയച്ചുക്കുണോ.. '' ?
കൂടെ മോളെ ശബ്ദം : ''പ്പാ ഇച്ച് ഐ പാട് കൊടുത്തയച്ചുക്കുണോ..' ?
പാവം ഉപ്പ !!
അയാളിപ്പോഴും മില്‍ക്കി ബാറിലും ഗ്യാലക്സി മിഠായിലും ആണ് .
മക്കളോ ഗ്യാലക്സി നോട്ട് ത്രീയിലും ടാബിലും ആപ്പിളിലും
തിന്നാനുള്ള ആപ്പിളൊക്കെ ഇപ്പോള്‍ ആര്‍ക്ക് വേണം ?
ഞെക്കാനും കളിക്കാനും കൊണ്ട് നടക്കാനും പറ്റുന്ന വില കൂടിയ
'ആപ്പിളല്ലാതെ' !!!
അതിലേറെ രസം , ആ പാവം സംസാരിക്കുന്നത് പണ്ടെന്നോ വാങ്ങിയ ലൊക്കടാ 'നോക്കിയ'യിലൂടെ യാണ്
പോസ്റ്റുകള്
0 comments:
ഒരു അഭിപ്രായം പോസ്റ്റ് ചെയ്യൂ