കുട്ടിക്കാലത്ത് എന്റെ പ്രധാന ഹോബി വട്ടുരുട്ടലായിരുന്നു
ഇരിങ്ങാട്ടിരിയില് നിന്ന് പുഴക്കല് വരെയും പുഴക്കല് നിന്ന് സ്കൂള് പടി വരെയും വട്ടിന്റെ പിന്നാലെ ഓടും .
ഒടുവില് വിയര് ത്തു കുളിച്ചു വീട്ടില് എത്തും . വട്ട് വീടിന്റെ ഒരൊഴിഞ്ഞ കോണില്
'പാര്ക്ക്' ചെയ്തു ഉമ്മാനോട് കിതപ്പോടെ പറയും . ''മ്മാ വെള്ളം ...''
ഉമ്മ ഒരു പാട്ട നിറയെ വെള്ളം തരും .
അത് കുടുകുടാ കുടിക്കും .
കുറെ പള്ളയിലൂടെ നനഞ്ഞിറങ്ങി നിക്കര് പോലും നനയ്ക്കും
അപ്പോള് ഉമ്മ ചോദിക്കും .
'എന്തിനാ കുട്ട്യാ ഐന്റെ പിന്നാലെ ഇങ്ങനെ ഓട്ണത് ?
അനക്ക് ഇബടെ ഒരു പാത്ത് ഇരുന്നൂടെ ?
അപ്പോള് ഞാന് പറയും : ഒരു രസത്തിന് !
ഇന്നും എന്റെ ഹോബി വട്ടുരുട്ടലാണ്
തക്കം കിട്ടുമ്പോഴൊക്കെ ഉരുട്ടും .
ജിദ്ദയില് നിന്ന് ഉരുട്ടി പുറപ്പെട്ടു ചിലപ്പോള് അമേരിക്ക യിലെത്തും
പിന്നെ ആഫ്രിക്ക , ബ്രിട്ടണ് , ദുബായ് , ഇറാഖ് , ആസ്ത്രേലിയ , മലേഷ്യ സിംഗപ്പൂര് വരെ ഒക്കെ പോയി വരും .
ചിലപ്പോള് കേരളത്തിലേക്ക് 'വണ്ടി' വിടും .
വടക്കാഞ്ചേരി , കാഞ്ഞിരപ്പുഴ , വയനാട് , മലപ്പുറം ഒക്കെ കറങ്ങിത്തിരിഞ്ഞു വരും !!
ഇരിക്കുന്നിടത്ത് നിന്ന് മെയ്യനങ്ങാതെ ഞൊടിയിടയില്
അവിടെയൊക്കെ പോയി വരും . കുറെ പേരെ കാണും .
എത്ര ഉരുട്ടിയാലും മതിയാവില്ല .
പിന്നെയും പിന്നെയും ഉരുട്ടും .
ചൂണ്ടു വിരല് കൊണ്ടാണ് ഉരുട്ട്
മൌസിലാണ് വട്ട്
ഫേസ് ബുക്കാണ് എന്റെ റൂട്ട്
നിങ്ങളൊക്കെയാണ് എന്റെ കൂട്ട്
ചിലപ്പോള് തോന്നും ഇത് വെറും 'വട്ട് '
ബട്ട് ഒരിക്കലും പറ്റില്ലെന്ന് തോന്നുന്നു
ലോഗ് ഔട്ട് !!
കാലം മാറുന്നു
അതിനനുസരിച്ച് വിനോദോപാധിയും !!
0 comments:
ഒരു അഭിപ്രായം പോസ്റ്റ് ചെയ്യൂ