ആപ്പ്

ഒരു  കഥയാണ് . 
ഒരു കാട്ടില്‍  രണ്ടാളുകള്‍ ഒരു മരത്തടി ഈരുകയായിരുന്നു . ഈരാനുള്ള സൌകര്യത്തിനു പിളര്‍ന്നു കൊണ്ടിരുന്ന മരത്തടി 
വിടര്‍ ന്നു നില്ക്കാന്‍ ഇടയില്‍ ഒരു ആപ്പ് (പൂള് ) വെച്ചിരുന്നു . 

കുറച്ചു കഴിഞ്ഞു അവര്‍ ചായ കുടിക്കാന്‍ പോയി  

ആ തക്കത്തില്‍  ഒരു കുരങ്ങന്‍ അവിടെ എത്തി . 
ഈര്‍ന്നു തുടങ്ങിയ തടിയില്‍ കേറി അവന്‍  'പരിശോധന ' 
തുടങ്ങി . അവിടെയും ഇവിടെയും പിടിച്ചു നോക്കി .  
ആ ആപ്പ് കണ്ടപ്പോള്‍ കുരങ്ങിന്  ഒരു കൌതുകം തോന്നി . 

ഒരൊറ്റ വലി .!!! 
ആപ്പ് കയ്യില്‍ പോന്നു . 

ഉടനെ കാട് നടുങ്ങും വിധം ഒരു കരച്ചില്‍ കേട്ടു . 
അത് ആപ്പ് ഊരിയ കുരങ്ങിന്റെതായിരുന്നു . 
ആപ്പ് ഊരുമ്പോള്‍ കുരങ്ങിന്റെ  വാല് മരത്തടികള്‍ക്കിടയില്‍ ആയിരുന്നു . ആപ്പ് എടുത്തപ്പോള്‍ പിളര്‍ന്നു നിന്നിരുന്ന തടി ഒന്നായി . വാല് കുടുങ്ങിയ കുരങ്ങന്‍ വേദന കൊണ്ട് പുളഞ്ഞു . 

ഈര്‍ച്ചക്കാര് വന്നപ്പോള്‍ കണ്ട കാഴ്ച ദയനീയം ആയിരുന്നു  

വീണ്ടും ആപ്പ് വെച്ചാണ് കുരങ്ങിന്റെ വാല് രക്ഷപ്പെടുത്തിയത്  അപ്പോഴേക്കും വാല് ചപ്പി നാശമായിരുന്നു :)

ഇതില്‍ നിന്നുള്ള പാഠങ്ങള്‍ : 

ഒന്ന് : ആവശ്യമില്ലാത്ത കാര്യങ്ങളില്‍ ഇടപെടരുത് 

രണ്ട് : ആപ്പ് പേര് പോലെ തന്നെ ചിലപ്പോള്‍ അത് ഉപയോഗിക്കുന്നവരെയും ആപ്പിലാക്കും 

മൂന്ന് : പരിചയമില്ലാത്ത വസ്തുക്കളും സാധനങ്ങളും ഉപകരണങ്ങളും  കയ്യില്‍ കിട്ടിയാല്‍ അവിടെയും ഇവിടെയും ഞെക്കാനോ അമര്‍ത്താനോ എടുക്കാനോ ഊരാനോ നില്‍ക്കരുത് 

നാല് : ആപ്പ് ഒരു സംഭവം തന്നെയാണ് അന്നും ഇന്നും :)

അഞ്ച് : ഏതു ആപ്പ് ആണെങ്കിലും സൂക്ഷിച്ചു ഉപയോഗിക്കുക 
ഇല്ലെങ്കില്‍ 'കുരങ്ങിന്റേതു' കുടുങ്ങിയ പോലെ കുടുങ്ങും  !!

ആറ് : എല്ലാം സംഭവിച്ചിട്ടു മോങ്ങിയിട്ടു ഒരു കാര്യവും ഉണ്ടാവില്ല :)