വാക്കുകള്‍ പൂക്കളാണ്
സൌന്ദര്യം വഴിയുന്ന
സുഗന്ധം പരത്തുന്ന
സന്തോഷം പകരുന്ന
സുസ്മിതം പൊഴിക്കുന്ന
മനം കവരുന്ന
സുമങ്ങള്‍
നുകരാം
മുകരാം
പകരാം
ഓമനിക്കാം
കാത്തു വെക്കാം
നെഞ്ചോട്‌ ചേര്‍ത്തു പിടിക്കാം
ചിലപ്പോള്‍
വാക്കുകള്‍
മൃദുലമാണ്
തരളിതമാണ്
പരിലാളനമാണ്
പരിപാവനമാണ്‌
മറ്റു ചിലപ്പോള്‍
മരുന്നാണ്
സാന്ത്വനമാണ്
സ്നേഹ ഗീതമാണ്‌
കനലണയ്ക്കും മഞ്ഞു തുള്ളിയാണ്
വേറെ ചിലപ്പോള്‍
ആയുധമാണ്
ചാട്ടുളിയായി
കത്തിയായി
കഠാരയായി
രക്തം ചിന്തും
വാളായി
സൂക്ഷിച്ചു ഉപയോഗിച്ചാല്‍ പൂവ്
അശ്രദ്ധമായി ഉപയോഗിച്ചാല്‍ നോവ്‌
പോസ്റ്റുകള്
0 comments:
ഒരു അഭിപ്രായം പോസ്റ്റ് ചെയ്യൂ