നമ്മുടെ ഓര്മ്മയില് ഇടയ്ക്കിടെ കടന്നു വന്നു നമ്മെ ശല്യം ചെയ്യുക
രണ്ടു തരം കാര്യങ്ങളായിരിക്കും
ഒന്ന് : നാം മറക്കാന് ശ്രമിക്കുന്നവ
രണ്ട് : ഓര്ക്കാന് ആഗ്രഹിക്കാത്തവ
OO
അനുഭവിക്കുമ്പോള് വലിയ വിഷമം തോന്നിയ കാര്യങ്ങള്
പോലും കാലമേറെ കഴിയുമ്പോള് ഓ ര്ക്കാന് തന്നെ രസമായിരിക്കും
OO
വിഷയത്തോട് അടുക്കും മുന്പേ നമ്മുടെ മനസ്സിനെ ആധി പിടിപ്പിക്കുന്ന പലതും
വളരെ എളുപ്പമായിരിക്കും അനുഭവിക്കുമ്പോള് .
OO
ദയാ ദാക്ഷിണ്യ മുള്ള ആളുകളെ ആര്ക്കും പറ്റിക്കാന് പറ്റും
നാം ഒരാളെ പറ്റിച്ചാല് നമ്മെ പറ്റിക്കാന് വേറെ ഒരാള് മറ്റൊരിടത്ത് വേറെ ഒരു സാഹചര്യത്തില് അപ്രതീക്ഷിതമായി കടന്നു വരും
OO
ഒരു മനുഷ്യന് ഏറ്റവും കൂടുതല് സമയം ചിന്തിക്കുന്നതും സംസാരിക്കുന്നതും സങ്കടപ്പെടുന്നതും അവന്റെ ദൌര്ബല്യത്തെ ക്കുറിച്ച് ആയിരിക്കും
OO
തനിക്കു കഴിയാത്ത കാര്യങ്ങള് മറ്റുള്ളവര് ചെയ്യുമ്പോള് മനസ്സിലുണ്ടാകുന്ന അസ്വസ്ഥത രണ്ടു രീതിയാലാണ് മനുഷ്യന് പ്രകടിപ്പിക്കുക .
ഒന്ന് : അയാളെ വ്യക്തിപരമായി ആക്രമിച്ച് .
രണ്ട് :അയാളുടെ കഴിവിനെ വില കുറച്ചു കാണിച്ച് .
OO
മിക്ക സ്നേഹവും സോപാധികം ആണ് .
ആ ഉപാധി ഇല്ലാതാകുന്നതോടെ സ്നേഹവും ഇല്ലാതാകും .
OO
അരോചകമല്ലാത്ത 'അനുകരണം' ശബ്ദാനുകരണം (മിമിക്രി ) മാത്രമാണ് .
OO
ഒരാള്ക്കും മറ്റൊരാള് അവാനാവില്ല .
അത്തരം ശ്രമങ്ങള് പരാജയം മാത്രമല്ല പരിഹാസവും നേടിത്തരും .
OO
എല്ലാവര് ക്കും ഇഷ്ടപ്പെട്ട ആരും ഉണ്ടാവില്ല
എല്ലാവരാലും വെറുക്കപ്പെട്ടവരും
OO
നമ്മുടെ ശരി നമ്മുടെത് മാത്രമാണ് .
നമ്മുടെ സ്വരം നമ്മുടേത് മാത്രമായതു പോലെ .
OO
ഒരാളുടെ മാന്യത മനസ്സിലാവുക രണ്ടു ഘട്ടത്തിലാണ്
ഒന്ന്: അയാളെ ആക്രമിക്കുമ്പോള്
രണ്ട് : പണമിടപാട് നടത്തുമ്പോള്
OO
നമ്മുടെ മനസ്സിന്റെ വലുപ്പവും ചെറുപ്പവും നമുക്ക് ബോധ്യപ്പെടുന്നത്
രണ്ടു ഘട്ടങ്ങളിലാണ്
ഒന്ന് : സ്തുതിക്കപ്പെടുമ്പോള്
രണ്ട് : അവഹേളിക്കപ്പെടുമ്പോള്
OO
യാതൊരു തടസ്സവും ഇല്ലാത്ത പാതയിലൂടെ വണ്ടി ഓടിച്ചു പോകുന്നവനല്ല വിദഗ്ദനായ ഡ്രൈവര് . അവിചാരിതമായി വരുന്ന അപകടങ്ങളെ മറികടക്കുന്നവനാണ് .
ജീവിതവും ഇങ്ങനെ തന്നെ . പ്രതിസന്ധി തരണം ചെയ്തു പോകുമ്പോഴാണ് ജീവിതം സാ ര്ത്ഥകമാവുക . ഒളിച്ചോട്ടം ഭീരുത്വവും നേരിടല് ധീരതയും ആകുന്നു
OO
പ്രതിസന്ധിയും പ്രയാസവും നേരിട്ട സമയത്ത് തന്റെ കൂടെ നില്ക്കാത്തവരെക്കുറിച്ചാവും മനുഷ്യനും മനുഷ്യനും തമ്മിലുള്ള പരാതി .
എന്നാല്
സന്തോഷ വേളയില് അവനെന്നെ ഓര്ത്തില്ലല്ലോ എന്നാവും ദൈവത്തിന്റെ പരാതി
OO
നമുക്ക് വേണ്ടി നാം നടത്തുന്ന പ്രാര്ത്ഥനയേക്കാള് മഹത്വമുള്ളതും നിസ്വാര്ത്ഥവും
ആത്മാര്ത്ഥവുമായ പ്രാര്ത്ഥന നാം മറ്റുള്ള വര്ക്ക് വേണ്ടി നടത്തുന്ന പ്രാര്ത്ഥനയാണ് .
OO
അറിവുണ്ടാകാന് അനേകം വഴികളുണ്ട് .
തിരിച്ചറിവുണ്ടാകാന് കാര്യമായ വഴികളൊന്നും ഇല്ല !!!
OO
0 comments:
ഒരു അഭിപ്രായം പോസ്റ്റ് ചെയ്യൂ