പുരാവസ്തു - കഥ

ഇനി വയ്യ.മറ്റുള്ളവര്‍ക്ക് ഒരു ഭാരമായി കഴിയാനിനി ആവില്ല.
മകനും മരുമകളും പേരക്കുട്ടികളും കണാതെ വൃദ്ധന്‍ പുറത്തിറങ്ങി.
അവള്‍ നേരേത്തെ പോയതു നന്നായി.. വൃദ്ധന്റെ കണ്ണ് നിറഞ്ഞു..
ഈ റോഡ് അവസാനിക്കുന്നത് ഒരു പട്ടണത്തിലാണെന്ന് തോന്നുന്നു. നടന്നു നടന്നു വല്ലാതെ അവശനായപ്പോള്‍ ഒരു പീടികത്തിണ്ണയില്‍ ഒന്ന് വിശ്രമിക്കാമെന്ന് വെച്ചു.
അന്നേരം വൃദ്ധന്റെ കണ്ണുകള്‍ ഒരു പരസ്യപ്പലകയില്‍ പതിഞ്ഞു. വല്ലാത്ത സങ്കടത്തോടെ അതയാള്‍ ഇങ്ങിനെ വായിച്ചെടുത്തു:
'പഴയ സാധനങ്ങള്‍ ഇവിടെ എടുക്കപ്പെടും.'