ചില ഒറ്റവരി ചിന്താമണിക്കവിതകള്‍

     മനനത്തിലേക്കുള്ള നല്ല അയനമാണ് വായന

മഴക്കില്ല മരുന്ന്; മയക്കാനുണ്ട് മരുന്ന്.

യു ട്യൂബ് കൊള്ളാം, പക്ഷെ  'യു' -  ട്യൂബ് ആവരുത്.

മസിലില്ലാത്തവര്‍ക്കും  മസില് പിടിക്കാം 

വേണമെങ്കില്‍ നിക്ഷേപിക്കാം , വേണ്ടെങ്കിലും ആക്ഷേപിക്കരുത്

കലി കുലം കലക്കും

ഒത്താശയുണ്ടോ  ഒത്ത ആശക്ക്‌ വകയുണ്ട് 

ജനുസ്സിന് അനുസരിച്ചിരിക്കും മനസ്സ് 

യോഗമുണ്ടാവാനും വേണം ഒരു നിയോഗം

ഉപകാരം തന്നെ നല്ല ഉപഹാരം

മിത്തുകള്‍ പോലെയല്ല മുത്തുകള്‍

കാമ്പസും കോമ്പസും സൂക്ഷിക്കണം.