കടലമണിക്കവിതകള്‍

ഉടുപ്പിന് വേണം കുടുക്ക്

ഉഴപ്പിന് വേണം കുരുക്ക്.

അടി തന്നെ പൊളിഞ്ഞാല്‍ പിന്നെ

എന്ത് അടിപൊളി?

തുഴക്കാരനെയും

തുണക്കാരനെയും

പിണക്കരുത്

സുലോചനയായിട്ടെന്തു കാര്യം

ആലോചനയില്ലെങ്കില്‍

വല്ലഭനായില്ലെങ്കിലും

നല്ലവനാവുക

അന്തമുള്ളവരോടാവാം വേദാന്തം

അന്തമില്ലാത്തവരോടരുത-

വര്‍ക്കത്‌ വെറുമൊരു കുന്ത്രാണ്ടം !

മണ്ണിലും പെണ്ണിലും കണ്ണ് വേണം

പ്രായം നോക്കിയേ

അഭിപ്രായം പറയാവൂ..

ഗ്രാമര്‍ പാലിക്കണം

ഗ്ലാമര്‍ പരിപാലിക്കണം

കുടിയേറുന്നതു പോലെയല്ലല്ലോ

കുടി ഏറുന്നത് ?

ചട്ടമുണ്ടായിട്ടെന്ത് 

ചിട്ടയില്ലെങ്കില്‍ ?

പണ്ട് അയല്‍ക്കാര്‍

ഇന്ന് അയലത്ത് ആര്?

വൃദ്ധനാവാന്‍ ഇഷ്ടമില്ല ആര്‍ക്കും

വൃദ്ധി നേടാന്‍ ഇഷ്ടമാണെനിക്കും നിനക്കും

സുഹൃത്ത്‌

സു- ഹൃത്തുള്ളവനാവണം

ഏറ്റവും നല്ല സുഹൃത്ത്‌

ഏറ്റവും നല്ല സ്വത്ത്‌

ആ അഹമ്മദല്ല

ഇ. അഹമ്മദ്  

ഉറൂബിനറിയില്ലല്ലോ ഹുറൂബ്!