എഴുത്തിന്റെ വഴികളെക്കുറിച്ച് ഒരു വർത്തമാനം

ഫോക്കസ് ജിദ്ദ സംഘടിപ്പിച്ച  സാഹിത്യ ശില്പ ശാലയില്‍ 'എഴുത്തിന്റെ വഴികള്‍ ' എന്ന വിഷയത്തെക്കുറിച്ച്  ചില ശ്ലഥചിന്തകള്‍



 
നന്ദിപൂര്‍വ്വം : നൗഷാദ് വടക്കേല്‍ , കെ കെ ജലീല്‍  അരീക്കോട് , ജരീര്‍ വേങ്ങര    -------------------------------------------------
എഴുത്തും വായനയും   ഇഷ്ടപ്പെടുന്ന വ്യത്യസ്ത മേഖലകളില്‍  പ്രവര്‍ത്തിക്കുന്ന അറുപതോളം അക്ഷരസ്നേഹികള്‍ പങ്കെടുത്ത ഈ പരിപാടി വ്യത്യസ്തമായ ഒരു അനുഭവമായിരുന്നു. ജിദ്ദ ഇസ്ലാഹീ സെന്റര്‍ ആയിരുന്നു വേദി . പ്രശസ്ത ബ്ലോഗര്‍ ബഷീര്‍ വള്ളിക്കുന്ന് ആധ്യക്ഷം വഹിച്ചു . 
പ്രസിദ്ധ പത്രപ്രവര്‍ത്തകരായ കാസിം ഇരിക്കൂര്‍ (ഗള്‍ഫ് മാധ്യമം )  സി .ഓ.ടി അസീസ്‌ (മലയാളം ന്യൂസ് ) വ്യത്യസ്ത സെഷനുകളില്‍ പത്ര പ്രവർത്തനം ,  'വാര്‍ത്തകളില്‍ ഉണ്ടാകുന്ന പിശകുകള്‍ ' എന്നീ  വിഷയങ്ങളില്‍ ക്ലാസെടുത്തു . 
ബ്ലോഗര്‍മാരായ സലീം ഐക്കരപ്പടി , പ്രിന്സാദ്‌ തുടങ്ങിയവര്‍   ആയിരുന്നു സംഘാടകര്‍ .
ഭാഷാ പ്രാവീണ്യം  സ്വയം മൂല്യ നിര്‍ണ്ണയം നടത്താന്‍ പാകത്തില്‍  'ഭാഷാ ജാലകം '  എന്ന പേരില്‍ ഒരു എഴുത്ത് പരീക്ഷയും ഉണ്ടായിരുന്നു . 
അതിനു തയ്യാറാക്കിയ ചോദ്യങ്ങൾ ആണ് താഴെ . 

                                                                          

1 - തെറ്റ് ഉണ്ടെങ്കില്‍ തിരുത്താം :                                                                           

-----------------------------------

A - പ്രബഞ്ചം

B - അഥിതി

C - ആദരാജ്ഞലികള്‍ 

D - സൃഷ്ടാവ്

E - അദ്ധേഹം ബുദ്ദിമാന്‍ 

F - അനുഗ്രഹീതനായ വ്യക്തി 

G - കാര്യവിജാരം

H - അഭിവ്രിദ്ദിക്കു നല്ല പ്രവര്‍ത്തി വേണം 

I - അവന്റെ ക്ഷണനം ഞാന്‍ സ്വീകരിച്ചു 

J - അംബരചുംബി

2 - അഭംഗി ഒഴിവാക്കി മനോഹരമാക്കാം:                                    

-------------------------------------------------------------

A - ചില ജലദോഷത്തിനുള്ള മരുന്നുകള്‍ ഫലം ചെയ്യാറില്ല

  

B - ഉച്ചക്ക് ശേഷം സി.ഒ.ടിയുടെ 'വാര്‍ത്തകളില്‍ ഉണ്ടാകുന്ന പിശകുകള്‍ ' എന്ന വിഷയത്തില്‍ ക്ലാസ്സ്‌ നടക്കും.

  

C - പെട്ടിതുറന്നപ്പോള്‍ കണ്ടത് നല്ലവണ്ണം ഭംഗിയായി വസ്ത്രം ധരിച്ച മധ്യവയസ്ക്കയായ ഒരു സ്ത്രീയുടെ മൃതദേഹമാണ് .

D - ഭാഷ അറിയുന്ന ഒരാളുടെ ക്ലാസും അറിയാത്ത ഒരാളുടെ ക്ലാസ്സും അജഗജാന്തര വ്യത്യാസം ഉണ്ടാകും .

E - എഴുത്ത് പഠിച്ച് കരുത്ത്‌ നേടൂ ..

  

F - ദയവായി ഹാളിനുപുറത്തു നില്‍ക്കുന്ന എല്ലാവരും അകത്തുകയറി ഇരിക്കേണ്ടതാണ്

3 - ചേരുംവിധം ചേര്‍ക്കാം  :                                           

------------------------------

1 - മനുഷ്യന് ഒരു ആമുഖം  -  വൈക്കം മുഹമ്മദ്‌ ബഷീര്‍  

2 - രണ്ടാമൂഴം - സുകുമാര്‍ അഴീക്കോട്‌      

3 - ടൈഗര്‍  - സുഭാഷ് ചന്ദ്രന്‍                  

4 - ഫ്രാന്‍സിസ് ഇട്ടിക്കോര  - മുസഫര്‍  അഹമദ് 

5 - ശങ്കരക്കുറുപ്പ് വിമര്‍ശിക്കപ്പെടുന്നു - എം.ടി.

6 - മരുഭൂമിയുടെ ആത്മകഥ -  ടി.ഡി.രാമകൃഷ്ണന്‍

4 - ആശയം ചോരാതെ പരമാവധി ചുരുക്കി എഴുതാം                             

---------------------------------------------------------

1. ഗ്രന്ഥപാരായണം കൊണ്ടേ മനുഷ്യന്‍ നന്നാവുകയുള്ളൂ എന്ന വസ്തുത ഊന്നിപ്പറയാന്‍ ഞാന്‍ ആഗ്രഹിച്ചുപോകുകയാണ്

2 . അക്ഷരാഭ്യാസം ഇല്ലാത്തവന്‍ മൃഗമാണ് എന്ന ഈയുള്ളവന്റെ സുചിന്തിതമായ അഭിപ്രായം ഇവിടെ തുറന്നു പറയുന്നതില്‍ ഞാന്‍ ലവലേശം മടി കാണിക്കുന്നില്ല.

3 . ഇത്തവണത്തെ ഫോക്കസ്‌  പരിപാടി എല്ലാം കൊണ്ടും സമ്പൂര്‍ണ്ണ വിജയമായിരുന്നു എന്ന യഥാര്‍ത്ഥ്യം സമ്മതിക്കാതിരിക്കാന്‍ നിര്‍വാഹമില്ല.

4 .ഒന്നാംസമ്മാനം ഇരുപത്തഞ്ചു ലക്ഷംരൂപയും സഞ്ചരിക്കാന്‍ ഒരു മാരുതി കാറും. കടന്നുവരൂ.. കടന്നുവരൂ..

5 - പത്രം  കയ്യിലെടുത്തു നിവര്‍ത്തി വായിക്കാന്‍  തുടങ്ങുമ്പോള്‍  ആണ് അത് പഴയ പത്രമാണെന്നു മനസ്സിലാവുന്നത് .