പുഴ ഒഴുകുകയാണ് .

മനുഷ്യര്‍ പൊതുവേ മൂന്നു തരക്കാരാണ് .

കിണര്‍ പോലെ
കുളം പോലെ
പുഴ പോലെ ...!!

കിണര്‍ നിറയുന്നതും കോരുന്നതും ഏതാനും പേര്‍ക്ക് വേണ്ടി മാത്രമാണ് .
ഒരു പക്ഷെ അടുത്ത വീട്ടുകാരനോട് പോലും കിണര്‍ ഒന്നും 'സംവദിക്കുന്നില്ല '

കുളം കുറച്ചു കൂടി വിശാലമാണ് .
പലര്‍ക്കും വരാം , കുളിക്കാം , നനക്കാം , എടുത്തു ചാടാം ,
മുങ്ങാം കുഴിയിടാം .. അഴുക്കും അഴലും ഒഴുക്കാം . നീന്തിത്തുടിക്കാം ...
ചിലരില്‍ മാത്രം ഒതുങ്ങാതെ നിറഞ്ഞ സംതൃപ്തിയോടെയാണ്
കുളത്തിന്റെ കിടപ്പ് ..!

പുഴ ഒഴുകുകയാണ് . അതിരുകളില്ലാതെ , കൈവഴികളായി, തെളിനീരോഴുക്കി ,
ഒഴുകുന്നയിടങ്ങളിലൊക്കെ നനവ്‌ പകര്‍ന്ന് , കുളിപ്പിച്ച് , കുടിപ്പിച്ച് , കുളിര്‍പ്പിച്ച് , 

മുകുളങ്ങള്‍ക്ക് കരുത്ത് പാകി , ഹരിതാഭയണിയിച്ചു ,
ചുറ്റിലും സമൃദ്ധി ചൊരി ഞ്ഞ് , സംഗീതം പോലെ ഒഴുകി ... അങ്ങനെയങ്ങനെ ..

അത് കൊണ്ട് തന്നെയായാണല്ലോ
പുഴ വറ്റുമ്പോമ്പോള്‍ ,
കൂടുതല്‍ കണ്ണുകള്‍ നിറഞ്ഞൊഴുകുന്നത് !!