2014, മാർച്ച് 11, ചൊവ്വാഴ്ച

അവള്‍ മണ്ണറയില്‍ ആയാളോ മണിയറയിലും


നാട്ടിലേക്ക് വിളിച്ചു ചിന്താമഗ്നയായി ഇരിക്കുന്ന 
അവളുടെ അടുത്തു ചെന്ന് തോളില്‍ തട്ടി ഞാന്‍ ചോദിച്ചു :

എന്ത് പറ്റി ?

ചിന്താവിഷ്ടയായ ശ്യാമളയായി
ഇങ്ങനെ ഇരിക്കുന്നു ?

മറുപടി ഒന്നും പറയാതെ അവള്‍ കുറെ നേരം എന്നെ
ദയനീയമായി നോക്കി .

എന്താ നാട്ടില്‍ നിന്ന് വല്ല സങ്കട വാര്‍ത്തയും കേട്ടുവോ ?

ഉമ്മയാണ് വിളിച്ചത് ..
ആ മാളുമ്മ താത്താന്റെ കാര്യം പറയുകയായിരുന്നു ഉമ്മ .

എന്തായാലും ഈ ആണുങ്ങളുടെ ഒരു കാര്യം !

അതിനു അവര് ഈ അടുത്തല്ലേ മരിച്ചത് ?
നീ പറഞ്ഞിരുന്നല്ലോ വിവരം .
പിന്നെ എന്താ ഇപ്പൊ ഒരു മാളുമ്മ തത്തയും ഈ ആണുങ്ങളും ..?
മരിച്ചു പോയ ആ സാധു സ്ത്രീയും ആണുങ്ങളും തമ്മില്‍ എന്താ ബന്ധം ? എവിടെയോ ഒരു ചേരായ്ക ഉണ്ടല്ലോ ..

അവള്‍ പറഞ്ഞു :
മൂപ്പര്‍ വേറെ ഒരുത്തിയെ കെട്ടി പോലും . ഇന്നലെ ആയിരുന്നുവത്രേ കല്യാണം !

അതിലെന്താണ് പെമ്പ്രന്നോളെ ഇത്ര പുതുമ ?
ആദ്യ ഭാര്യ മരിച്ചാല്‍ പലരും അങ്ങനെ ചെയ്യാറുണ്ടല്ലോ ..
ആദ്യ ഭാര്യ ഇരിക്കെ തന്നെ രണ്ടാമതു കെട്ടുന്നു . പിന്നെയല്ലേ ഇത് ?

അതെന്നെ ഞാന്‍ പറഞ്ഞത് . ഈ ആണുങ്ങളുടെ ഒരു കാര്യം എന്ന് .. വര്‍ഷങ്ങളോളം സന്തോഷത്തിലും സങ്കടത്തിലും കൂടെ നിന്ന ഒരു പെണ്ണ് മരിച്ചു ഖബറിലെ മണ്ണ് ഉണങ്ങീട്ടില്ല അപ്പോഴേക്കും മൂപ്പര് വേറെ ഒന്നിനെ കെട്ടിയത്രേ !!!

അവള്‍ മണ്ണറയില്‍ ആയാളോ മണിയറയിലും !!!!

ഈ സ്ഥാനത്ത് അയാള്‍ പോയി അവരാണ് ഇരിക്കുന്നത് എങ്കില്‍ ഒന്ന് ആലോചിച്ചു നോക്കിന്‍ ..

പുരുഷന് ആദ്യ ഭാര്യ മരിച്ചാല്‍
പുതിയ ഒരു ജീവിതം തുടങ്ങുകയാണ് ..
സ്ത്രീക്കോ ഭര്‍ത്താവ് മരിച്ചാല്‍ അവളുടെ ജീവിതം ഇരുളടയുകയാണ് !!!

42599

1 comments:

 
Copyright © 2010 Iringattiri Drops. All rights reserved.
Design By- മലയാളം ബ്ലോഗ്‌ ഹെല്‍പ്