2014, മാർച്ച് 18, ചൊവ്വാഴ്ച

വെള്ള




വെള്ള വസ്ത്രത്തെക്കുറിച്ചായിരുന്നു പള്ളി ഇമാമിന്റെ ഇന്നത്തെ പ്രസംഗം .

വസ്ത്രങ്ങളുടെ കൂട്ടത്തില്‍ വിശിഷ്ടമായ വസ്ത്രം വെള്ളയാണ് .
പ്രവാചകന് ഇഷ്ടപ്പെട്ട വസ്ത്രവും അത് തന്നെ .
വെള്ളിയാഴ്ചകളില്‍ വെള്ള വസ്ത്രം ധരിച്ചു പള്ളിയില്‍ വരുന്നതാണ് ഏറെ ശ്രേഷ്ടം . .

ഹജ്ജ് , ഉമ്ര ഇത്തരം ആരാധനകളുടെ സമയത്തും
പുരുഷന്മാര്‍ക്ക് വെള്ള വസ്ത്രം നിശ്ചയിച്ചത് ശുഭ്ര വസ്ത്രം എളിമ യുടെ പ്രതീകം എന്ന നിലക്കാണ്

മരണപ്പെട്ടാല്‍ കഫന്‍ പുടവയും വെള്ള തന്നെ ആവുന്നതാണ് ഏറെ ശ്രേഷ്ഠം .

ഭാഗ്യത്തിന് ഞാന്‍ ഇന്ന് വെള്ള വസ്ത്രം ആണ് ധരിച്ചിരുന്നത് .
പ്രസംഗം കേള്‍ക്കുമ്പോള്‍ മനസ്സ് വെള്ള വസ്ത്രത്തിന്റെ പിറകെ പോയി .

ഹൈസ്കൂള്‍ ക്ലാസ്സില്‍ പഠിക്കുമ്പോള്‍ ആഴ്ചയില്‍ ഒരു ദിവസം യൂണിഫോം നിര്‍ബന്ധമായിരുന്നു . അതും വെള്ള യായിരുന്നു . അന്ന് ഇന്നത്തെ പോലെ പാന്റ്സ് വ്യാപക മായിട്ടെ ഇല്ല . വെള്ള മുണ്ടും വെള്ള ക്കുപ്പായവും . അന്ന് അസംബ്ലിയും ഉണ്ടാകും . ഗ്രൗണ്ടില്‍ ഒരു പാല്‍ക്കടല്‍ രൂപം കൊള്ളും അന്ന് .

ഇവിടെയുള്ള സൗദി പൌരന്മാരും കൂടുതലും വെള്ള തോപ്പ് ആണ് ധരിക്കാര്‍ . നമ്മുടെ നാട്ടിലെ പണ്ഡിതന്മാരും
മത വിദ്യാര്‍ഥികളും പൊതുവേ വെള്ള വസ്ത്രം തന്നെയാണ് ധരിക്കാറുള്ളത്

മാത്രമല്ല കന്യാ സ്ത്രീകളുടെ വസ്ത്രം / പള്ളിയിലെ അച്ചന്മാരുടെ ളോഹ ഒക്കെ വെള്ള തന്നെ .

അതൊക്കെ ഓര്‍ത്ത്‌ അങ്ങനെ ഇരിക്കുമ്പോഴാണ് നമ്മുടെ ചില വെള്ള വസ്ത്ര രാഷ്ട്രീയക്കാരെ ഓര്‍ത്തത്‌ .

ഇസ്തിരി ഉലയാത്ത ഖാദി ധരിച്ചു ശുഭ്ര വസ്ത്ര ധാരികളായി കൈ വീശി നടക്കുന്ന നേതാക്കളെ ഓര്‍ത്തപ്പോള്‍ എനിക്ക് തോന്നി വിശുദ്ധിയുടെ പ്രതീകമായ വെള്ള അകത്തെ കറുപ്പ് സമര്‍ത്ഥമായി മൂടി വെക്കാനും ഉപയോഗിക്കാം എന്ന് നമ്മുടെ ചില രാഷ്ട്രീയക്കാര്‍ തെളിയിച്ചിതാണല്ലോ എന്ന് !

വസ്ത്രം നമ്മുടെ സംസ്ക്കാരം എന്തെന്ന് അറിയിക്കാനും
ഉള്ളിലെ കാപട്യം സമര്‍ത്ഥ മായി മൂടി വെക്കാനും ഉപയോഗിക്കാം എന്നര്‍ത്ഥം .

അത് കൊണ്ട് കൂടിയായിരിക്കും
'നിങ്ങളുടെ ആകാര സൌഷ്ഠവത്തിലെക്കോ , ശരീരത്തിലേക്കോ അല്ല പടച്ചവന്‍ നോക്കുക നിങ്ങളുടെ ഹൃദയത്തിലെക്കാണ്' എന്ന തിരു വചനം വിരല്‍ ചൂണ്ടിയത് ..!!!

2 comment drops:

പ്രിയ വായനക്കാരേ,കമന്റ്‌ ബോക്സിന്റെ താഴെ കൊടുത്തിരിക്കുന്ന

'ഇമെയില്‍ വഴി സബ്സ്ക്രൈബ് ചെയ്യുക'

എന്നതില്‍ ക്ലിക്ക് ചെയ്‌താല്‍ താങ്കളുടെ കമന്റിനു മറുപടി

ഇ മെയില്‍ ആയി ലഭിക്കും

  1. മനുഷ്യന്‍ പുറമെയുള്ളത് നോക്കുന്നു
    ദൈവമോ അന്തരംഗം കാണുന്നു!!

    മറുപടിഇല്ലാതാക്കൂ
  2. മനസ്സറിയും യന്ത്രം ഉണ്ടായിരുന്നുവെങ്കില്‍.....അല്ലേ മാഷെ.
    ആശംസകള്‍

    മറുപടിഇല്ലാതാക്കൂ

 
Copyright © 2010 Iringattiri Drops. All rights reserved.
Design By- മലയാളം ബ്ലോഗ്‌ ഹെല്‍പ്