അകലാന്‍ ശ്രമിക്കുമ്പോള്‍
അടുക്കാന്‍ ശ്രമിക്കുക തന്നെ ..
കൂടുതല്‍ ഇഷ്ടമുള്ളവര്‍ പെട്ടെന്ന് പിണങ്ങാന്‍ സാധ്യത ഉണ്ട്.
'എന്നോട് അവന്‍ അങ്ങനെ ചെയ്തല്ലോ' എന്ന പരിഭവം.
സൌഹൃദങ്ങള്‍ മാത്രമല്ല കുടുംബ ബന്ധങ്ങള്‍ പോലും തകരാന്‍ നന്നേ ചെറിയ ഒരു കാരണം മതി.
ബന്ധങ്ങള്‍ ഇടയ്ക്കിടെ നട്ടുനനക്കണം .. മിനുക്കണം .. പുതുക്കണം .
അകല്‍ച്ച തോന്നി തുടങ്ങുമ്പോഴേ
കൂടുതല്‍ അടുക്കാന്‍ ശ്രമിക്കണം .
ഒരു കമന്റ് മതി ഉള്ള സൗഹൃദം മങ്ങാന്‍ .
പറ്റാത്ത ഒരു വാക്ക് മതി ചേര്‍ന്ന് നിന്നിരുന്ന കണ്ണി ഇളകാന്‍ ..
സംസാരത്തിനിടക്ക്‌ അറിയാതെ വരുന്ന ചില പരാമര്‍ശങ്ങള്‍ മതി ദീര്‍ഘകാലം തെറ്റി നടക്കാന്‍ ..
ഒടുവില്‍ പിണക്കമായി ..
വിളി നിന്നു..
കാലം ഏറെ ചെന്നാല്‍ പിന്നെ ആരാദ്യം വിളിക്കും എന്നായി ..
എങ്ങനെ നടന്നിരുന്ന ആളുകളാ , ഇപ്പൊ കണ്ടാപ്പോലും മുണ്ടൂല ..
എന്ന് നാം പലരെക്കുറിച്ചും പറയാറുണ്ട്‌ .
നമ്മുടെ അറിവിലും ഉണ്ടാകും ഇത്തരം അനുഭവങ്ങള്‍ ..!
കാലം ഏറെ കഴിഞ്ഞു എന്തിനാ തെറ്റിയത് എന്ന് ഓര്‍ക്കുന്നു പോലും ഉണ്ടാവില്ല .
ഒരു പക്ഷെ ... എന്നിട്ടും മിണ്ടാതെ , വിളിക്കാതെ നടക്കും .
ഇന്ന് കാണുന്നവരെ നാളെ കാണില്ല .
എന്നാണു നാമൊക്കെ ഇവിടെ നിന്ന് സലാം പറഞ്ഞു പോവുക എന്ന് ആര്‍ക്കും അറിയില്ല .
''ഒരു പൊരി മതി എല്ലാം ഒടുങ്ങാന്‍
ഒരു ചിരി മതി എല്ലാം ഒതുങ്ങാന്‍ ..''
കാത്തു സൂക്ഷിക്കുക സൌഹൃദങ്ങളെ ,
കെടാതെ നോക്കുക വെട്ടം പകരും സ്നേഹ വിളക്കുകള്‍ .
പോസ്റ്റുകള്
ശീഘ്രഗതിയിലുള്ള യാത്രാ മദ്ധ്യേ സ്നേഹിതനെ കണ്ടിട്ട് മിണ്ടിയില്ലെങ്കില്‍ അതുമതി പിണക്കത്തിന്‌.....
മറുപടിഇല്ലാതാക്കൂആശംസകള്