ഒന്ന് മണക്കാനും ഒരുമ്മ കൊടുക്കാനും പറ്റിയല്ലോ ...!!!

സോപ്പ് തീര്‍ന്നിട്ട് രണ്ടു ദിവസമായി .
എന്നും വാങ്ങണം വാങ്ങണം എന്ന് കരുതും .
മറക്കും . കുളി മുറിയില്‍ കേറിയാലെ ഓര്‍മ്മ വരൂ .

ഒടുവില്‍ ഇന്നലെ വാങ്ങി കൊണ്ട് വന്നു .
മൈസൂര്‍ സാന്റല്‍ . ഏറ്റവും വലുത് തന്നെ വാങ്ങി .
എന്നും വാങ്ങേണ്ടല്ലോ ..


ഇന്ന് രാവിലെ മേലാകെ വെള്ളം പാര്‍ന്നു ഒരു മൂളിപ്പാട്ടും പാടി മെല്ലെ സോപ്പിന്റെ സീല്‍ പൊട്ടിച്ചു .
അവള്‍ക്കു വേദനിക്കാതെ , നഖം കൊണ്ട് പോറലേല്‍ക്കാതെ ശ്രദ്ധിച്ചു സൂക്ഷിച്ചു അവളെ പൊതിഞ്ഞു കിടന്ന നേര്‍ത്ത പ്ലാസ്റ്റിക് ആവരണം എടുത്തു മാറ്റി .

എന്നിട്ട് , അവള്‍ക്കു ഒരു ഉമ്മ കൊടുത്തു .
കൊതിപ്പിക്കുന്ന മണം മൂക്കിലേക്ക് വലിച്ചു കേറ്റി

ബിസ്മി ചൊല്ലി തേച്ചു തുടങ്ങിയതെ ഉള്ളൂ .
പ്ലും .
കക്കൂസിലേക്ക് .

ഞാന്‍ അവളെ തന്നെ നോക്കി കുറെ നേരം നിന്നു .

അവള്‍ എന്നെയും ദയനീയമായി നോക്കി .
ഒരു വട്ടമെങ്കിലും ഉപയോഗിച്ചിരുന്നു എങ്കില്‍ സങ്കടം ഇല്ലായിരുന്നു

എന്നാലും ഒന്ന് മണക്കാനും ഒരുമ്മ കൊടുക്കാനും
പറ്റിയല്ലോ . ഭാഗ്യം