വാക്കുകളും മക്കളും ഒരു പോലെയാണ് പല കാര്യത്തിലും .
ഓമനിക്കും തോറും രണ്ടും നമ്മുടെ ഹൃദയത്തോട് ചേര്‍ന്ന് നില്‍ക്കും . പിന്നെയും പിന്നെയും നമ്മുടെ തലോടലിനായി കാക്കും . മക്കളെ ഓമനിക്കും പോലെ വാക്കുകളെയും ഓമനിക്കാന്‍ പറ്റും .
മക്കളെ എത്ര നാം ഇഷ്ടപ്പെടുന്നുവോ അവര്‍ അതിലേറെ നമ്മെയും ഇഷ്ടപ്പെടും . നമുക്ക് കീഴ്പ്പെടും . അനുസരിക്കും .
വാക്കുകളും അങ്ങനെ തന്നെ . അടുക്കും തോറും കൂടുതല്‍ അടുക്കും . ഓമനിക്കും തോറും നമുക്ക് കീഴ്പ്പെട്ടു അനുസരിച്ച് നമ്മുടെ ദാസന്മാരായി മാറും
നാം എന്താണോ അതാണ്‌ നമ്മുടെ മക്കള്‍ അത് പോലെ
നാം എന്താണോ അതാണ്‌ നമ്മുടെ വാക്കുകള്‍
നമ്മുടെ മക്കളെ മറ്റുള്ള മക്കളെക്കാള്‍ നാം ഇഷ്ടപ്പെടുന്നു
നമ്മുടെ വാക്കുകളെയും ഇങ്ങനെ തന്നെ
നമ്മുടെ മക്കളുടെ വൈരൂപ്യം നമുക്ക് കാണാന്‍ കഴിയില്ല
മറ്റൊരാളുടെ കണ്ണിലൂടെ നോക്കുമ്പോള്‍ മാത്രമാണ് അത് തിരിച്ചറിയുക . വാക്കുകളും അതേ പോലെ .
മക്കള്‍ നന്നായാല്‍ അത് രക്ഷിതാക്കള്‍ക്ക് വലിയ അഭിമാനം ആണ് . അവര്‍ എവിടെ എത്തിയാലും അവര്‍ ഉയരുന്നതിന് അനുസരിച്ച് അച്ഛനും അമ്മയും ഉയരും . അഭിമാനമാകും മക്കള്‍ . അവര്‍ ചീത്ത ആയാലും ഇത് തന്നെ സ്ഥിതി .
അത് നമുക്കും ചീത്തപ്പേരുണ്ടാക്കും
വാക്കുകളുടെ കാര്യവും ഇങ്ങനെ തന്നെ .
നല്ല മക്കളെ നന്നായി വളര്‍ത്തി വലുതാക്കി നാടിനും വീടിനും സമൂഹത്തിനും ഉപകരിക്കുന്ന രീതിയില്‍ മാറ്റി എടുത്താല്‍
അതാവും ഒരു അച്ഛന്റെയും മകന്റെയും ഏറ്റവും വലിയ സംതൃപ്തി . വാക്കുകളുടെ കാര്യവും ഇത് തന്നെ .
വാക്കുകള്‍ ആയാലും മക്കള്‍ ആയാലും സമൂഹത്തിനു ഉപകരിക്കുമ്പോഴാണ് അവ സാര്‍ ത്ഥകമാവുന്നത് .
നല്ല മക്കള്‍ ഒരിക്കലും അച്ഛനെയും അമ്മയെയും വേദനിപ്പിക്കില്ല . നല്ല വാക്കുകളും ഒരിക്കലും നമ്മെ വേദനിപ്പിക്കില്ല . മറ്റുള്ളവരെയും .
വൃത്തി കെട്ട മക്കളാണ് ഒരാളുടെ ഏറ്റവും വലിയ ദുര്യോഗം
വൃത്തി കെട്ട വാക്കുകളാണ് ഒരാളുടെ ഏറ്റവും വലിയ ശാപം
മക്കളെ നന്നായി വളര്‍ത്തുക അല്ലെങ്കില്‍ അവര്‍ ഒരിക്കല്‍ നമുക്കെതിരെ തിരിയും .
വാക്കുകളും നന്നായി ഉപയോഗിക്കുക അല്ലെങ്കില്‍ അവ നമ്മെ ഒരിക്കല്‍ തിരിഞ്ഞു കൊത്തും
നല്ല വാക്കും നല്ല നോക്കും നല്ല തോക്കിനേക്കാള്‍ നല്ലത്
മക്കള്‍ നന്നായാല്‍ പൂക്കള്‍ അല്ലെങ്കിലോ ...... ?
എന്റെ മക്കളാണ് എന്റെ യശസ്സ്
എന്റെ വാക്കുകളാണ് എന്റെ മനസ്സ്
എന്റെ മക്കളാണ് എന്റെ ശക്തി
എന്റെ വാക്കുകളിലാണ് എന്റെ കീര്‍ത്തി
മക്കള്‍ നന്നായാല്‍ വീട് 'വൃദ്ധി' സദനം
ഇല്ലെങ്കില്‍ 'വൃദ്ധ സദനം' തന്നെ ശരണം !!
വാക്കുകള്‍ നന്നെങ്കില്‍ നമ്മുടെ മനസ്സ് തന്നെ 'വൃദ്ധി' സദനം
വൃത്തി കെട്ടതാണെങ്കിലോ അത് തന്നെയാണ് ഏറ്റവും 'മലിന സ്ഥലം'
'വാക്കുകള്‍ തീര്‍ക്കും മുറിവിന്നീര്‍ച്ച
വാളിന്റെ വക്കിനേ ക്കാളുണ്ട്‌ മൂര്‍ ച്ച
ആരെയും നോവിക്കുകില്ലെന്നു നേര്‍ ച്ച
നേ ര്‍ന്നവര്‍ക്കാണെന്നും മന:സുഖം തീര്‍ച്ച '
ഈ ലോക ജീവിതത്തിലെ നമ്മുടെ അലങ്കാരങ്ങളാണ് മക്കള്‍
നമ്മുടെ വാക്കുകളും നമുക്ക് അലങ്കാരമാകട്ടെ !!!
പോസ്റ്റുകള്
0 comments:
ഒരു അഭിപ്രായം പോസ്റ്റ് ചെയ്യൂ