2014, സെപ്റ്റംബർ 15, തിങ്കളാഴ്‌ച

വട്ട്


സൌദികള്‍ക്കുണ്ട്
തലയ്ക്കു മീതെ
ഒരു വട്ട്

എന്റെ ചങ്ങാതി
മജീദ്‌
ചോറിന് വേണ്ടിയാണ്
പിടിക്കുന്നത്‌
വട്ട്


എന്റെ റൂം മേറ്റായിരുന്ന
സൈതാലിക്കാക്കും
ഉണ്ടായിരുന്നു വട്ട്
എന്തിനും ഏതിനും ചൂടാകുന്ന അയാളെക്കുറിച്ച്
'സഹമുറി'യന്‍മാര്‍ പറയും :
ആ കാക്കാക്ക്‌ വട്ടാണ്.
മുഴുത്ത വട്ട് !

പിന്നെയാണ് 'ഉസ്താദ് ഹോട്ടലി'ലെ
അമ്മായിക്ക് വട്ടായത്
ഹിറ്റായത് !!

എനിക്കും ഉണ്ടായിരുന്നു
കുട്ടിക്കാലത്ത്
വട്ട്
ഒരു വട്ടം കൂടി വീണ്ടും
ഉരുട്ടാന്‍ കൊതിക്കുന്ന
വട്ട് !!!

വട്ടുകളില്‍
അന്നും ഇന്നും
എനിക്കേറെ ഇഷ്ടപ്പെട്ട
വട്ടാണ്
ആ വട്ട് !!!

എല്ലാ വട്ടും സഹിക്കാം
പക്ഷേ,
എന്റെ കൂടെ പഠിച്ച ഗോപാലന്റെ വട്ടാണ്
എന്നെ ഞെട്ടിക്കുന്ന ഏക വട്ട്‌
അവന്
തലയ്ക്കാണ്
വട്ട് !

വട്ടുകള്‍ പലവിധം
ഞെട്ടിപ്പിക്കുന്ന വട്ടും
ഇഷ്ടപ്പെട്ട വട്ടും
ഒരു വിധം !!



ഈ എഴുതിയതും
ഒരു വട്ട് തന്നെ
നട്ടുച്ച വട്ട് !!!

0 comments:

ഒരു അഭിപ്രായം പോസ്റ്റ് ചെയ്യൂ

 
Copyright © 2010 Iringattiri Drops. All rights reserved.
Design By- മലയാളം ബ്ലോഗ്‌ ഹെല്‍പ്