കൊടികള് പലതരം
പല നിറം
ചെങ്കൊടി ,
ത്രിവര്ണ്ണക്കൊടി ,
പച്ചക്കൊടി ,
കാവിക്കൊടി
പിന്നെ
മലര്കൊടി ,
വെറ്റിലക്കൊടി ,
പുല്ക്കൊടി
ഈ കൊടികളുമായി ഒക്കെയും
വേണമെങ്കില്
ബന്ധപ്പെട്ടും
ബന്ധപ്പെടാതെയും
ബന്ധം മുറിച്ചും
ഒഴിവാക്കിയും
നമുക്ക് ജീവിക്കാം
എന്നാല്
വേറെ ഒരു കൊടിയുണ്ട്
ഓരോ മനുഷ്യനും ആ കൊടിയുമായി ബന്ധപ്പെട്ടെ പറ്റൂ
ജനിക്കുന്നതെ ആ കൊടിയുമായാണ്
മുറിച്ചു കളഞ്ഞാലും മുറിഞ്ഞു പോകാത്ത
അടര്ത്തിയാലും അടര്ന്നു പോകാത്ത
ഒരു 'കൊടി '
ആ കൊടി നമ്മെ ഏല്പ്പിച്ചത് ഒരു പെണ്കൊടിയാണ് !!
ഭ്രൂണാവസ്ഥയിലെ സ്രഷ്ടാവ് അമ്മയിലൂടെ
നമ്മെ ഏല്പിച്ച 'കൊടി '
ഏറ്റവും തീവ്രമായ ,
മുറിച്ചാലും മുറിയാത്ത
അമൂര്ത്തമായ ,
ബന്ധത്തിന്റെ കൊടി
പൊക്കിള് കൊടി !!
ആ കൊടി കഴിഞ്ഞേ ഏതു കൊടിയും ഉള്ളൂ
സ്നേഹ ബന്ധം
സുഹൃത് ബന്ധം
ഭാര്യാ ഭര്തൃ ബന്ധം
രാഷ്ട്രീയ ബന്ധം
സംബന്ധം
എല്ലാം ബന്ധവും ഈ ബന്ധം കഴിഞ്ഞേ വരൂ .
കാരണം
എല്ലാ ബന്ധവും അറുത്തു മാറ്റാം
പക്ഷേ , ഈ ബന്ധം അറുത്ത് മാറ്റാനാവില്ല
അതാണ് രക്ത ബന്ധം .!
മരിച്ചാലും മായില്ല
ജനിക്കുമ്പോഴേ കൂടെയുള്ള
'കൊടി'അടയാളം !!!
OO
0 comments:
ഒരു അഭിപ്രായം പോസ്റ്റ് ചെയ്യൂ