എത്ര കിട്ടിയാലും മതിയാവാത്തത് :

എത്ര കിട്ടിയാലും മതിയാവാത്തത് :
പണം

എത്ര ഉണ്ടായാലും പിന്നെയും ഉണ്ടാവേണ്ടത് :
ഗുണം


ആണിന് ഏറെ ഇഷ്ടം :
ഭരണം

പെണ്ണിന് ഏറെ കൌതുകം :
ആഭരണം

എല്ലാവര്‍ക്കും ഏറെ ഇഷ്ടം :
ഭക്ഷണം

ആര്‍ക്കും ഇഷ്ടമില്ലാത്തത് :
ശിക്ഷണം

എല്ലാവരും ആസ്വദിച്ചു പറയുന്നത് :
പരദൂഷണം

വരും എന്ന് ഉറപ്പാണ് .
പക്ഷേ വരുന്നത് ആര്‍ക്കും ഇഷ്ടമല്ല :
മരണം

OO

അത് നന്നായാല്‍ മറ്റെല്ലാം നന്നായി :
മനം

അത് ഉണ്ടായാല്‍ പരാജയം ഉറപ്പ് :
തലക്കനം

വന്നു പോകാന്‍ എളുപ്പം :
ദിനം

വന്നാല്‍ പോകാന്‍ പ്രയാസം :
ദീനം

അത് കിട്ടാന്‍ മനുഷ്യന്‍ എന്തും ചെയ്യും :
ധനം

കൊടുക്കുന്നവനും
കിട്ടുന്നവനും ഏറെ സന്തോഷം നല്‍കുന്നത് :
ദാനം

ഏറെ വിസ്മയിപ്പിക്കുന്ന ഒരു അദ്ഭുതം :
വാനം

ആരെയും ലയിപ്പിക്കുന്നത് :
ഗാനം

മനുഷ്യന് മാത്രം കഴിയുന്നത്‌ :
മനനം

എപ്പോഴും മിനുക്കാന്‍ ഇഷ്ടപ്പെടുന്നത് :
വദനം

ആര്‍ക്കും ഇഷ്ടമല്ലാത്ത വികാരം :
കദനം

ആരെയും വിഷമിക്കുന്ന അവസ്ഥ :
പതനം

ഈ ലോകത്തെ ഏറ്റവും വലിയ രസം :
ലയനം

മനുഷ്യന് ഒഴിച്ച് കൂടാനാവാത്ത സംഗതി :
അയനം

ആരും ഇഷ്ടപ്പെടുന്ന ഇടം :
സദനം

പ്രായം കൂടുന്തോറും ഇന്നത്തെ ഏതൊരു
മനുഷ്യന്റെയും പേടി സ്വപ്നം :
വൃദ്ധ സദനം

OO


L