രണ്ടുവരി ചെണ്ടുമല്ലിക്കവിതകള്‍

1

ഇന്ന് ഉമ്മറകത്തും

ഉമ്മ ഉമ്മറത്തും.!

2

കൂടെ പൊറുക്കാന്‍

കൂടെക്കൂടെ  പൊറുക്കണം

3

പാചകറാണി മാരെക്കാള്‍ ഇന്നുള്ളത് 

വാചക റാണിമാരാണ്

4

നോളെജും ഏജും ഉണ്ടായിട്ടെന്ത് ?

ആള് വെറുമൊരു നോളയാണെങ്കില്‍!

5

മെയ് വഴക്കം മാത്രം പോര 

മൊഴി വഴക്കം കൂടി വേണം

6

കടന്നലും കടങ്ങളും

കടന്നു  കുത്തും ..!

7

നിവൃത്തിക്ക് പ്രവൃത്തി; പ്രവൃത്തിക്ക് വൃത്തി

വൃത്തിയുള്ള പ്രവൃത്തിക്ക് പ്രവൃദ്ധി.!

8

മഴയിലഴുകി വഴുതും വഴിയിലൂടിഴയും

പുഴുവിനും വഴിയുമഴക് !

9

പുക വ്യാപകമാവുന്നതിനെക്കാള്‍ അപകടമാണ്

പക വ്യാപകമാവുന്നത്

10

പുഴ ഒഴുകുന്നു പുഴു ഇഴയുന്നു

മഴ പെയ്യുന്നു മഴു കൊയ്യുന്നു