അമലിയ്യാത്ത് - ആരാധനാമുറകള്‍
അഖാഇദ് - വിശ്വാസപരമായ കാര്യങ്ങള്‍
അഖ് ലാഖ് - സ്വഭാവ ശാസ്ത്രം
താരീഖ് - ചരിത്രം
അതല്ലാതെ മത വൈരം അല്ല അവിടെ പഠിപ്പിക്കുന്നത്‌
ഈ പുസ്തകങ്ങളില്‍ എവിടെയും മറ്റൊരു മതക്കാരനെ ശത്രുവായി കാണണം എന്നും അവരെ ഒക്കെ ഇല്ലാതാക്കണം എന്നും മറ്റുള്ളവരോട് വൈരം കാണിക്കണമെന്നും ഒരു സൂചന പോലും ഒരു സ്ഥലത്തും കാണില്ല
എന്നാല്‍ ''അയല്‍വാസി പട്ടിണി കിടക്കുമ്പോള്‍ വയര്‍ നിറച്ചു ഉണ്ണുന്നവന്‍ നമ്മില്‍ പെട്ടവനല്ല ...'' എന്ന് പഠിപ്പിക്കുകയും അതിനു അനുബന്ധമായി അയല്‍വാസി എന്നാണു നബി പറഞ്ഞത് അല്ലാതെ മുസ്ലിമായ അയല്‍വാസി എന്നല്ല തുടങ്ങിയ സാമൂഹ്യ സാംസ്ക്കാരിക സ്നേഹ ബന്ധങ്ങളെ ഊട്ടി ഉറപ്പിക്കുന്ന പാഠങ്ങള്‍ ആണ് പഠിപ്പി ക്കുന്നതും ഉദ്ബോധിപ്പിക്കുന്നതും .
മദ്രസ്സ പ്രസ്ഥാനം തുടങ്ങിയിട്ട് എഴുപതോ എണ്‍പ തോ വര്‍ഷങ്ങളായി . അന്നും ഇന്നും പഠിപ്പിക്കുന്ന വിഷയങ്ങള്‍ ഏകദേശം ഒന്ന് തന്നെ
കാരണം വിശ്വാസ , ആരാധനാ കാര്യങ്ങള്‍ , ഇസ്ലാമിക അധ്യാപനങ്ങള്‍ എന്നും ഒരേ പോലെ തന്നെ . അത് കൊണ്ടാണ് അങ്ങനെ .
എന്നിട്ടും ഞാന്‍ മദ്രസ്സയില്‍ പഠിച്ചിരുന്ന കാലത്തും എന്റെ പ്രിയപ്പെട്ട ചങ്ങാതിമാര്‍ വിജയനും സതീഷും ചാക്കോയും ലൂക്കോസും ഒക്കെയായിരുന്നു .
രാവിലെ മദ്രസ്സ കഴിഞ്ഞു സ്കൂളിലേക്ക് പോകുന്ന എനിക്ക് മദ്രസ്സയില്‍ എന്റെ കൂടെ പഠിക്കുന്ന മുസ്ലിം കുട്ടിയെ പോലെ തന്നെയേ സ്കൂളില്‍ എന്റെ കൂടെ പഠിക്കുന്ന മറ്റു മതക്കാരായ കുട്ടികളോടും തോന്നിയിട്ടുള്ളൂ .
അന്ന് ഹിന്ദുക്കുട്ടി , മുസ്ലിം കുട്ടി , ക്രിസ്ത്യന്‍ കുട്ടി , പട്ടികജാതിക്കുട്ടി എന്നൊന്നും ഇല്ല . മുഹമ്മദും ചാത്തനും വേലായുധനും ജയിംസും നാരായണനും മാത്രമേ ഉണ്ടായിരുന്നുള്ളൂ .
ഇന്ന് ഇവിടെ ഈ ഫേസ് ബുക്കില്‍ പോലും എന്റെ സുഹൃത്ത്‌ എന്ന നിലക്കാണ് എല്ലാവരെയും കാണുന്നത് മതം നോക്കിയോ ജാതി നോക്കിയോ വര്‍ഗം നോക്കിയോ അല്ല ആരെയും ഫ്രണ്ട് ആക്കിയത് .
മദ്രസ്സയില്‍ പഠിച്ച എനിക്ക് അന്നും ഇന്നും ഈ മനസ്ഥിതി ഉണ്ടാകാന്‍ കാരണം എന്റെ മതം എന്നെ മറ്റു മതങ്ങളെയോ മതക്കാരെയോ ദുഷിക്കാന്‍ പഠിപ്പിച്ചിട്ടില്ല എന്നതു കൊണ്ടാണ് . ഞാന്‍ പഠിച്ചിടത്തു ഒന്നും അങ്ങനെ എന്നെ ആരും പഠിപ്പിച്ചിട്ടില്ല എന്നതു കൊണ്ടും ആണ്
പിന്നെ മത വൈരം പരത്തി കലക്ക വെള്ളത്തില്‍ മീന്‍ പിടിക്കാന്‍ ഇറങ്ങുന്ന ചില ആളുകളുടെ അബദ്ധം നിറഞ്ഞ , കുത്സിതമായ , ഹീനമായ , വിഷം കലക്കാനുള്ള ആസൂത്രിത നീക്കം മാത്രമായിട്ടേ ഇത്തരം ആരോപണങ്ങളെ കാണാന്‍ പറ്റൂ .
വിശ്വസിക്കുകയും മനുഷ്യന്‍ എന്ന മാനവിക ഭാവത്തില്‍ നമ്മള്‍ ഒന്നാണ് എന്ന രീതിയില്‍ മുന്നോട്ടു പോവുകയും ചെയ്യുകയാണ് വേണ്ടത് . മുമ്പ് ഉണ്ടായിരുന്നതും അതാണ്‌
അസഹിഷ്ണുതയും ശത്രുതയും വളര്‍ത്തി പരസ്പരം ശത്രുക്കളാക്കി പണ്ടത്തെ കുട്ടനും മുട്ടനും കഥയിലെ കുറുക്കന്റെ റോളില്‍ പ്രത്യക്ഷപ്പെട്ട ചില ആസുരന്മാരാണ് ഈ സൗഹൃദ വെള്ളത്തില്‍ വിഷം കലക്കിയത് എന്ന് എനിക്ക് തോന്നുന്നു
മദ്രസ്സകള്‍ ഏതെങ്കിലും ഒളിത്താവളങ്ങളിലോ , രഹസ്യ കേന്ദ്രങ്ങളിലോ , അല്ല ഇക്കാലമത്രയും നടന്നു വരുന്നത് .
അവിടെ ഒളിക്കാനും മറക്കാനും ഒന്നുമില്ല .
ഏതൊരു ഗവണ്മെ ന്റ് സ്കൂളിലേക്കും കടന്നു ചെല്ലും പോലെ അവിടേക്കും ആര്‍ക്കും എപ്പോഴും കടന്നു ചെല്ലാം .. പാറാവുകാരോ ഗെയിറ്റ് കീപ്പറോ , സെക്യൂരിറ്റിയോ ഒന്നും കാണില്ല .
മിക്ക മദ്രസ്സകള്‍ക്കും കാര്യമായ ഒരു മതിലു പോലും ഇല്ല .
അത്രയും സുതാര്യമായി നടക്കുന്ന
നിഷ്കളങ്കരായ കുഞ്ഞുങ്ങള്‍ പഠിക്കുന്ന
മത പഠന ശാലകള്‍ മാത്രമാണ് അവ . .!!!
'' നിങ്ങള്‍ ആരാധിക്കുന്നതിനെ ഞാന്‍ ആരാധിക്കുന്നില്ല , ഞാന്‍ ആരാധിക്കുന്നതിനെ നിങ്ങളും ആരാധിക്കുന്നില്ല . നിങ്ങള്ക്ക് നിങ്ങളുടെ മതം . എനിക്ക് എന്റെ മതം - ഖുര്‍ആന്‍
പോസ്റ്റുകള്
തികച്ചും യാഥാർത്ഥ്യമാണ് നിങ്ങളുടെ പോസ്റ്റിൽ കണ്ടത്.മദ്രസ്സ പ്രസ്ഥാനത്തിന്റെ ഉദ്ദേശ ശുദ്ധി വരച്ച് കാട്ടിയതിന് ഒരായിരം അഭിനന്ദനങ്ങൾ,ആശംസകൾ നേരുന്നു
മറുപടിഇല്ലാതാക്കൂ