ചില തോന്നലുകളും ഊന്നലുകളും

കാമ്പുള്ള എഴുത്തും കാതലുള്ള മരവും ഒരുപോലെയാണ്
കാലാക്കാലം നിലനില്ക്കും

പൊതുവെ അശക്തനെന്നു തോന്നുന്ന 'ചിതലിന് 'പോലും
കൂട്ടം ചേ ര്‍ന്ന്
'കരുത്തുറ്റ മരങ്ങള്‍' നശിപ്പിക്കാനാവും

'എന്തെങ്കിലും' എഴുതാതെ
'എന്തെങ്കിലും ഉള്ളത്' എഴുതാം

ഇരുമ്പിനെ പോലും നശിപ്പിക്കാന്‍
കേവലം തുരുമ്പിനു കഴിയും

ചില എഴുത്തുകള്‍ കരിയില പോലെയാണ്
ആളിക്കത്തും . അതിലേറെ എളുപ്പത്തില്‍ ഒരു പിടി ചാരമാകും

ചില എഴുത്തുകള്‍ മഴ പോലെയാണ്
പെയ്തു തോര്‍ന്നിട്ടും മരം പെയ്തു കൊണ്ടേയിരിക്കും

പറന്നുയരുമ്പോഴും
പറക്കമുറ്റാത്തൊരു
കാലം കഴിഞ്ഞതൊന്നോര്‍മ്മ വേണം !!

നടക്കാം ; മുന്നോട്ടിടയ്ക്കിടെ
നോക്കണം പിന്നോട്ടെന്നു മാത്രം .