'ഉറക്കം ദു:ഖമാണുണ്ണീ ഉണര്‍വ്വല്ലോ ഫലപ്രദം '

രക്തം , കഫം , മലം , മൂത്രം ഇവയുടെ പരിശോധനാ
റിസല്‍ട്ടുകള്‍ പലപ്പോഴും കാണേണ്ടി വന്നിട്ടുണ്ട് .
പക്ഷെ ഒരൊറ്റ പ്രാവശ്യം മാത്രമാണ് 'സെമന്‍' പരിശോധിച്ചതിന്റെ
റിസല്‍ട്ട് കാണാന്‍ ഇടവന്നത് .
ദീര്‍ഘകാലമായി കുട്ടികളുണ്ടാകാത്ത കാരണത്താല്‍ ചികിത്സ നടത്തിക്കൊണ്ടിരിക്കുന്ന ഒരു സുഹൃത്തിന്റെതായിരുന്നു അത് .

അതില്‍ മൂന്ന് വിഭാഗം ആയാണ്
കൌണ്ടിംഗ് ശതമാനം രേഖപ്പെടുത്തിയിരിക്കുന്നത്

ഒന്ന് - നിര്‍ജ്ജീവമായവ
രണ്ട് - ഇഴഞ്ഞു നീങ്ങുന്നവ
മൂന്ന് - സജീവമായവ

സജീവമായവ കൂടുതലുണ്ടെങ്കില്‍ പ്രത്യുത്പാദനം എളുപ്പമാകും .
മറ്റു രണ്ടും ആണ് കൂടുതലുള്ളത് എങ്കില്‍ പ്രയാസം തന്നെ !!

സത്യത്തില്‍ ഈ ലോകത്തും ഇത് പോലെ മൂന്നു വിഭാഗം മനുഷ്യരാണ് പൊതുവേ ഉള്ളത് .

മൂന്നാമത്തെ വകുപ്പില്‍ പെട്ട ആളുകളാണ് ഈ ലോകം ഇത്ര വിസ്മയാവഹവും ചലനാത്മകവും വികസനാത്മകവും ആക്കിയത് .

സജീവത കൈവിടാതിരുന്നാല്‍ നേടാനുണ്ട് ഒരു പാട് .
നമ്മെ പോലെയുള്ള മനുഷ്യരുടെ സജീവത യുടെ ഫലമാണ് നാം ഇന്ന് ഉപയോഗിക്കുന്ന , അനുഭവിക്കുന്ന , ആസ്വദിക്കുന്ന 

എല്ലാ വസ്തുക്കളും ...!!!

'ഉറക്കം ദു:ഖമാണുണ്ണീ
ഉണര്‍വ്വല്ലോ ഫലപ്രദം '