വട്ടം

ഭൂമിക്കും വട്ടം
സൂര്യനും വട്ടം
ചന്ദ്രനും വട്ടം
കിണറിനും വട്ടം


പത്തിരിക്കും
വടക്കും
നെയ്യപ്പത്തിനും
കലത്തപ്പത്തിനും
പെരുന്നാളിന് മാത്രം വാങ്ങി പൊരിക്കുന്ന
വല്യപ്പടത്തിനും വട്ടം

ഉമ്മ എനിക്കായി
ഏറ്റവും അവസാനം ചുട്ടു തന്നിരുന്ന
കുട്ടി അപ്പത്തിനും വട്ടം

ഉമ്മയുടെ ഭംഗിയുള്ള മുഖത്തിനും
എന്തൊരു വട്ടം !!
പറഞ്ഞിട്ടെന്ത് ?
കൂടുതല്‍ കാലം കാണാന്‍ കഴിയാതെ
മറഞ്ഞു പോയില്ലേ
ആ പൊന്‍ വെട്ടം !