ദേശാടനക്കിളി കരയാറില്ല

സ്വപ്നം നിറയെ ദേശമുള്ള ഞാനും ദേശാടനം മാത്രം ചിന്തിച്ചു പറക്കുന്ന നീയും എങ്ങനെ സമന്മാരാകും...?

നിനക്ക് എങ്ങോട്ടെങ്കിലും പറന്നു എന്തെങ്കിലുമൊക്കെ തിന്ന് എത്തിച്ചെരുന്നിടം ദേശമായി കണ്ടു നടക്കാം..

എന്റെ മനസ്സ് നിറയെ എന്റെ കൂടാണ്...

അവിടെ എന്നെ കാത്ത് കണ്ണില്‍ എണ്ണ ഒഴിച്ച് ഇരിപ്പുണ്ട് എന്റെ പെണ്‍കിളി .. 

എന്നെ മാത്രം സ്വപനം കണ്ട് 

ഉറങ്ങുന്നുണ്ട് എന്റെ കണ്മണികള്‍...

എന്നെ ഞാനാക്കിയ അമ്മിഞ്ഞ തന്നു പാലൂട്ടിയ കുഴിഞ്ഞ കണ്ണുകളിലും എന്നെ പരതുന്ന  അമ്മക്കിളിയുണ്ട് .. 

എന്നെ ഒന്നിനു മാത്രം പോന്നവനാക്കിയ അച്ഛനുണ്ട്‌... 

ഈ വേരുകള്‍ക്ക് സുഖമമായി മണ്ണില്‍ ഇറങ്ങിപ്പോകാനാണ് ഞാന്‍  ഇങ്ങനെ തളരും വരെ എന്റെ ചിറകുകള്‍അടിച്ചു 

പറക്കുന്നത് ... 

നിനക്കറിയുമോ? ഞാന്‍ കിതക്കുമ്പോഴോക്കെ എനിക്ക് കുതിപ്പ് തരുന്നത് എന്റെ ഈ വേരുകളാണ്! ഞാന്‍ വെള്ളവും 

വളവും നല്‍കി വളര്‍ത്തി വലുതാക്കിയ ആ മരം പൂത്തു നില്‍ക്കുന്നത് കാണുമ്പോള്‍ എന്റെ മനസ്സാണ് പൂക്കുക ... 

എനിക്ക് ആ പൂക്കാലം മാത്രം മതി... 

നീ അലയുക... 

ഞാന്‍ എന്റെ വേരുകള്‍ക്ക് വേണ്ടി അഴലിലും അലയട്ടെ... 

സംസാരിച്ചു നില്‍ക്കാന്‍ സമയമില്ല... 

എനിക്ക് നിന്നെപ്പോലെയല്ല ചെയ്യാനും സഫലമാകാനും ഇനിയുമുണ്ട് ഒരു പാട്....

ഗുഡ് ബൈ!