2014, ഡിസംബർ 14, ഞായറാഴ്‌ച

പ്രവാസക്കുറിപ്പുകള്‍



നോമ്പ് കാരനെ പോലെയാണ് പ്രവാസി . 
നോമ്പുകാരന്‍ പകല്‍ മുഴുവനും വിചാരിക്കും നോമ്പ് തുറന്നിട്ട്‌ അത് തിന്നണം ,  ഇത് തിന്നണം എന്നൊക്കെ നോമ്പ് തുറന്നു കുറച്ചു വെള്ളം കുടിച്ചു എന്തെങ്കിലുമൊക്കെ തിന്നുമ്പോഴേക്കും മതിയായി .

പ്രവാസി നാട്ടില്‍ പോകുമ്പോള്‍ ഒരു പാട് സ്വപ്നം കാണും . 
പല പദ്ധതിയും ആസൂത്രണം ചെയ്യും . എന്തൊക്കെയോ ചെയ്യണം എന്ന് നിയ്യത്ത് വെക്കും . ചെന്ന് 'ഒന്നോ രണ്ടോ ' ദിവസം കഴിയുമ്പോഴേക്കും അവനു മതിയായി. നിറഞ്ഞു , പിന്നെ വയ്യ .. !!!

O

നാട്ടിലേക്ക് പോവാ
ന്‍ ആറുമാസത്തെ  ലീവ് ചോദിച്ച പ്രവാസിയോട്‌ കഫീല്‍ പറഞ്ഞു പോലും . അരക്കൊല്ലം നീ ഇല്ലാതെ എന്റെ സ്ഥാപനം മുന്നോട്ടു പോകുമെങ്കില്‍ പിന്നെ കാലക്കാലം നീ ഇല്ലാതെ പോവുമെന്ന് ഉറപ്പല്ലേ ...?
O

ഭാഗ്യമാണ് പ്രവാസം
ഭാരമാണ് പ്രവാസം
മറ്റുള്ളവരുടെ ഭാരം ഇറക്കാനാണ് പ്രവാസം
ബാധ്യതയാണ് പ്രവാസം
ബാധ്യത ഇല്ലാതാക്കാലാണ് പ്രവാസം
ചിലര്‍ക്ക്
ഭാസുരമാണ് പ്രവാസം !
O

പ്രയാസം തീരാന്‍
പ്രവാസം വരിക്കുന്നു
എന്നിട്ടോ ,
ആ പ്രവാസം തീരാ പ്രയാസമായി
അവനെ വരിഞ്ഞു മുറുക്കുന്നു !!!
O

പ്രവാസം ചിലര്‍ക്ക് ഒരു വിത
ചിലര്‍ക്ക് വെറും പത
ചിലര്‍ക്ക് കനലെരിയും ചിത
ചിലര്‍ക്ക് ഒരിക്കലും തീരാത്ത വ്യഥ
ചിലര്‍ക്ക് ഉത്തരം കിട്ടാത്ത കഥ
ചിലര്‍ക്ക് വെറും തടവറ
ചിലര്‍ക്ക് സൌഭാഗ്യമേകും കലവറ
ചിലര്‍ക്കോ നഷ്ടങ്ങളുടെ മണിയറ !!!

O
പ്രവാസം ഒരു കടലാണ് .
പ്രവാസികള്‍ മുക്കുവന്മാരും .
ഈ കടലില്‍ നിന്ന് ചിലര്‍ക്ക് ചാകര കിട്ടുന്നു .
ചിലര്‍ക്ക് വെറും ചാള ,
ചിലര്‍ക്ക് നത്തോലി
ചിലര്‍ക്ക് ആവോലി
ചിലര്‍ക്ക് വന്‍ സ്രാവുകള്‍ കിട്ടി
അവ
ന്‍ വന്‍ സ്രാവായി മാറുന്നു 

O
ഞാനും പ്രവാസി
നീയും പ്രവാസി
അവനും പ്രവാസി
അവരും പ്രവാസി
എന്റെ അയല്‍വാസിയും പ്രവാസി
എല്ലാ ദരിദ്ര വാസികളും പ്രവാസി
എന്നിട്ടും
നമ്മുടെ മനസ്സില്‍ ഒക്കെയും എന്നും
അമാവാസി !!!
O
പ്രവാസികള്‍ക്ക് അല്ലാതെ മറ്റാര്‍ക്കും തീരെ കേട്ടുകൂടാത്തതും പ്രവാസികള്‍ക്ക് എത്ര തന്നെ കേട്ടാലും വായിച്ചാലും പറഞ്ഞാലും എഴുതിയാലും മതിയാകാത്തതുമായ ഒരു സംഗതിയാണ്
പ്രവാസ കഥകള്‍
O

'കടന്നാല്‍ കുടുങ്ങി' എന്ന ഒരു സ്ഥലമുണ്ട് . 
എന്നാല്‍ ആ പേര് ഏറെ യോജിക്കുക പ്രവാസത്തിനാണ് !!!
O
പ്രവാസം അനുഭവിക്കുന്നവര്‍ക്ക് ഇരുളും 
അത് കൊണ്ട് അനുഭവിക്കുന്നവര്‍ക്ക് പ്രകാശവും
O
പ്രവാസം ഒരു ചൂണ്ട 
പ്രവാസിയോ ഒരു ചെണ്ട
അവള്‍ പറയുന്നു : ഇനി പോണ്ട
സ്വത്തും സുഖവും വേണ്ട
കൂട്ടാന്‍ ഇനി വെറും വെണ്ട
എന്നാലും ഗള്‍ഫ് മാണ്ട !!!

അവന്‍ മനസ്സില്‍ പറയും : ഇതൊന്നും കേ ള്‍ക്കേണ്ട
നാളെ ഇതെല്ലാം മാറ്റി പറയും . അന്നേരം വിഷമം വേണ്ട !!

3 comment drops:

പ്രിയ വായനക്കാരേ,കമന്റ്‌ ബോക്സിന്റെ താഴെ കൊടുത്തിരിക്കുന്ന

'ഇമെയില്‍ വഴി സബ്സ്ക്രൈബ് ചെയ്യുക'

എന്നതില്‍ ക്ലിക്ക് ചെയ്‌താല്‍ താങ്കളുടെ കമന്റിനു മറുപടി

ഇ മെയില്‍ ആയി ലഭിക്കും

  1. മാറ്റിപറയാതിരിക്കാനുള്ള സാഹചര്യം ഉണ്ടാവാതിരിക്കട്ടെ മാഷെ.
    അതാണെന്‍റെയും പ്രാര്‍ത്ഥന.
    ആശംസകള്‍

    മറുപടിഇല്ലാതാക്കൂ
  2. രചയിതാവ് ഈ അഭിപ്രായം നീക്കംചെയ്തു.

    മറുപടിഇല്ലാതാക്കൂ
  3. പ്രവാസിയുടെ പ്രയാസ കുറിപ്പ്... :(

    മറുപടിഇല്ലാതാക്കൂ

 
Copyright © 2010 Iringattiri Drops. All rights reserved.
Design By- മലയാളം ബ്ലോഗ്‌ ഹെല്‍പ്