പള്ളിയില്‍ നിന്നിറങ്ങുമ്പോള്‍ മുറ്റത്ത് ഒരു ആള്‍ക്കൂട്ടം .
ഏന്തി വലിഞ്ഞു നോക്കുമ്പോള്‍ രണ്ടു പേര്‍ തമ്മില്‍ പൊരിഞ്ഞ അടി നടക്കുകയാണ് . പലരും പിടിച്ചു വെക്കാന്‍ നോക്കിയിട്ടും കുതറി മാറി പിന്നെയും അടിക്കാന്‍ നോക്കുകയാണ് . രണ്ടു ബംഗാളികലാണ് .
അവരുടെ സംസാരത്തില്‍ നിന്ന് മനസ്സിലായത് ഒരാള്‍ മറ്റെയാള്‍ക്ക്
ആയിരം റിയാല്‍ കൊടുക്കാനുണ്ട് . പല അവധി പറഞ്ഞിട്ടും കൊടുക്കാതെ ഒഴിഞ്ഞു മാറി നടക്കുകയാണ് കടം വാങ്ങിയവന്‍ .
ഒടുവില്‍ അവിചാരിതമായി കണ്ടു മുട്ടിയപ്പോള്‍ ആണ് ഈ സീന്‍ അരങ്ങേറുന്നത് .
അവര്‍ പരസ്പരം തെറി പറയുന്നുണ്ട് . ഇടയ്ക്കിടെ കുതറി മാറി കടം വാങ്ങിയവനെ കടം കൊടുത്ത ആള്‍ അടിക്കുന്നുണ്ട് .
രണ്ടു മൂന്നെണ്ണം ഒക്കെ കിട്ടുമ്പോള്‍ ഒന്നൊക്കെയെ രണ്ടാമന്‍ തിരിച്ചു കൊടുക്കുന്നുള്ളൂ ..
അന്നേരം ആജാനുബാഹുവായ ഒരു മനുഷ്യന്‍ ആളുകളെ വകഞ്ഞു മാറ്റി അങ്ങോട്ട്‌ കടന്നു വന്നു .
അദ്ദേഹം രണ്ടു പേരെയും അടുത്തു വിളിച്ചു പറഞ്ഞു : ''ഇത്തഖില്ലാ ..
(അല്ലാഹുവിനെ സൂക്ഷിക്കുക ) എന്നിട്ട് ചോദിച്ചു : ഇഷ്ഫി മുശ്കില - എന്താ പ്രശ്നം ?
കടം കൊടുത്ത ആള്‍ തന്റെ സങ്കടം പറഞ്ഞു . അവന്‍ ആയിരം റിയാല്‍ കടം വാങ്ങിയിട്ട് കുറെ ആയി . പല അവധിയും പറഞ്ഞു . തന്നില്ല . ഒടുവില്‍ ഫോണ്‍ എടുക്കാതായി ..
അദ്ദേഹം രണ്ടാമനോട് ചോദിച്ചു : അവന്‍ പറഞ്ഞത്ശ രിയാണോ ? അവന്‍ സമ്മതിച്ചു . എന്നിട്ട് എന്തേകൊടുക്കാത്തത് ?
അവന്‍ കരഞ്ഞു കൊണ്ട് പറഞ്ഞു . കൊടുക്കണം എന്നുണ്ടായിരുന്നു . പക്ഷെ അപ്പോഴേക്കും അതിലും വലിയ ആവശ്യം വരും . പറഞ്ഞ അവധിക്കു കൊടുക്കാന്‍ കഴിഞ്ഞിട്ടില്ല .. ഇല്ലാഞ്ഞിട്ടാണ് .
അത് കേട്ടപ്പോള്‍ ആ മനുഷ്യന്‍ തന്റെ തോപ്പിന്റെ പോക്കറ്റില്‍ കയ്യിട്ടു . അഞ്ഞൂറിന്റെ രണ്ടു പുത്തന്‍ നോട്ടു എടുത്തു കടം കൊടുക്കാനുള്ള ആളുടെ കയ്യില്‍ കൊടുത്തിട്ട് പറഞ്ഞു . ഇത് കൊടുത്തു നിന്റെ കടം വീട്ടിക്കോളൂ ..
അയാള്‍ അദ്ദേഹം പറഞ്ഞ പോലെ അനുസരിച്ചു .
''കടം കൊടുക്കല്‍ മറ്റൊരാളെ സഹായിക്കലാണ് . ആ സഹായത്തിനു നന്ദി കാണിക്കേണ്ടത് അത് പറഞ്ഞ അവധിക്കു തന്നെ തിരിച്ചു കൊടുത്താണ് . കടം വാങ്ങുമ്പോള്‍ തന്നെ ഒരു ദൃഡ നിശ്ചയം ഉണ്ടെങ്കില്‍ കടം വീട്ടാന്‍ എന്തെങ്കിലും മാര്‍ഗം ഉണ്ടാകും .. '' നിങ്ങള്‍ എവിടെ ആയാലും അല്ലാഹുവിനെ സൂക്ഷിക്കുക .
അതും പറഞ്ഞു ആ നല്ല മനുഷ്യന്‍ ആളുകളെ വകഞ്ഞു മാറ്റി
നടന്നു നീങ്ങി ..
പുറമേ കാണുന്ന ശുഭ്ര വസ്ത്രത്തിന്റെ അകത്തു അതിലും വെളുത്ത
മനസ്സുള്ള ആ മനുഷ്യനെ കണ്ണില്‍ നിന്ന് മറയും വരെ
ഞാന്‍ നോക്കി നിന്നു .
പോസ്റ്റുകള്
ദീനദയാലുവായ മനുഷ്യസ്നേഹി.
മറുപടിഇല്ലാതാക്കൂഇങ്ങനെയുള്ളവരെ പറ്റിച്ചാല്‍ ശിക്ഷ ഇവിടെനിന്നുമ്തന്നെ ലഭിക്കും.
നന്നായി മാഷെ.
ആശംസകള്‍
നന്മയുടെ ദൃശ്യങ്ങള്‍ കാണുന്നത് സന്തോഷകരമാണ്
മറുപടിഇല്ലാതാക്കൂ